रायपुर, दाऊ भूपेश बघेल ह प्रदेश वासी मन ल देवी उपासना के परब नवरात के बधाई अऊ शुभकामना दहे हें। ए बेरा म उमन सबो के जीवन म सुख, समृद्धि अऊ खुशहाली के प्रार्थना करे हें। शारदीय नवरात्रि के पहिली संझा कुन जारी अपन बधाई संदेश म दाऊ ह कहे हें के नवरात म 9 दिन तक भरपूर श्रद्धा अऊ भक्ति-भाव के संग श्रद्धालु मन शक्ति स्वरूपा देवी दुर्गा के नौ अलग-अलग रूप के पूजा करथें। धर्मग्रंथ मन म देवी के शक्ति, नारी, लक्ष्मी जइसे कई स्वरूप माने गए हे। कन्या मन ल देवी के प्रतिरूप मानके नवरात्रि म उंकर पूजन के घलव परम्परा रहे हे। मुख्यमंत्री ह कहिन के ये परब आराधना के संग नारी शक्ति के सम्मान के परब घलव ये। महिला मन के प्रति मान-सम्मान के भाव ले ही सही अरथ म देवी पूजा सार्थक होही।
मुख्यमंत्री दाऊ भूपेश बघेल ह प्रदेश वासी मन ल नवरात के दीन शुभकामना
