रइपुर, मुख्यमंत्री श्री भूपेश बघेल आज मंझन 3 बजे चन्दखुरी म राम वन गमन पर्यटन परिपथ अऊ माता कौशल्या मंदिर परिसर के जीर्णोद्धार अऊ सौंदर्यीकरण काम के लोकार्पण करहीं। गृहमंत्री श्री ताम्रध्वज साहू कार्यक्रम के अध्यक्षता करहीं। लोकार्पण कार्यक्रम पुलिस अकादमी ग्राउंड चन्दखुरी म आयोजित करे जाही। ये बेरा म चन्दखुरी म 07, 08 अऊ 09 अकटूबर के आयोजित होत तीन दिन के समारोह म राष्ट्रीय अऊ अंतर्राष्ट्रीय स्तर के कलाकार, मानस मंडली अऊ स्थानीय कलाकार मन अपन प्रस्तुति देहीं, 08 अऊ 09 अकटूबर के माता कौशल्या मंदिर परिसर म सांस्कृतिक कार्यक्रम के आयोजन करे जाही।
उद्घाटन समारोह म राम वन गमन पर्यटन परिपथ के उद्घाटन समारोह म नृत्य, संगीत, लेजर शो अऊ एलईडी अंजोर के संग प्रभु श्री राम के वनवास अऊ छत्तीसगढ़ म ऊंखर प्रवास के कहानी प्रस्तुत करे जाही। उद्घाटन समारोह म जाने-माने गायक-संगीतकार शंकर महादेवन, मशहूर पद्मश्री भारती बंधु, गायिका कविता वासनिक अपन प्रस्तुति देहीं। प्रभु श्री राम के भक्ति गीत ल दुनिया के कोना-कोना तक लेगइया मानस मंडली नंदकुमार साहू, मुम्बई स्थित फ्यूजन बैंड, कबीर कैफे के संग प्रसिद्ध गायिका सुकृति सेन के जुगलबंदी घलोक ये कार्यक्रम के मुख्य आकर्षणों म सामिल हे। भारतीय रॉक बैंड इंडियन ओसियन कोति ले छत्तीसगढ़ अऊ राम वन गमन पर्यटन परिपथ बर ये बेरा म विशेष रूप ले तियार करे गए गीत प्रस्तुत करे जाही। संगेच मुम्बई स्थित प्रसिद्ध एक्रोबेटिक नृत्य समूह ‘वी अनबीटेबल’ कोति ले प्रभु श्री राम उपर आधारित विशेष नृत्य के घलोक प्रदर्शन करे जाही। उद्घाटन समारोह के बाद अवइया दू दिन तक आयोजन ले जुड़े कार्यक्रम आयोजित होही, जेमां छत्तीसगढ़ के कई जगा ले सकलाए मानस मंडली मन के कार्यक्रम चलत रहिही। ये आयोजन म राज्य के दूर-दराज के क्षेत्र मन के स्थानीय कलाकार मन ल घलोक हिस्सा लेहे के मौका दे जाही।
छत्तीसगढ़ पर्यटन मण्डल कोति ले आयोजित कार्यक्रम म कृषि मंत्री श्री रविन्द्र चौबे, स्वास्थ्य मंत्री श्री टी.एस. सिंहदेव, नगरीय प्रशासन अऊ विकास मंत्री डॉ. शिवकुमार डहरिया, स्कूल शिक्षा मंत्री डॉ. प्रेमसाय सिंह टेकाम, वन मंत्री श्री मोहम्मद अकबर, उद्योग मंत्री श्री कवासी लखमा, महिला अऊ बाल विकास मंत्री श्रीमती अनिला भेंड़िया, राजस्व मंत्री श्री जयसिंह अग्रवाल, लोक स्वास्थ्य यांत्रिकी मंत्री श्री गुरू रूद्र कुमार, उच्च शिक्षा मंत्री श्री उमेश पटेल, संस्कृति मंत्री श्री अमरजीत भगत, राज्यसभा सांसद श्रीमती छाया वर्मा, लोकसभा सांसद श्री सुनील सोनी, छत्तीसगढ़ राज्य गौ सेवा आयोग के अध्यक्ष राजेश्री महंत डॉ. राम सुंदर दास, राज्य महिला आयोग के अध्यक्ष श्रीमती किरणमयी नायक, छत्तीसगढ़ राज्य खनिज विकास निगम के अध्यक्ष श्री गिरिश देवांगन, राज्य नागरिक आपूर्ति निगम के अध्यक्ष श्री राम गोपाल अग्रवाल, छत्तीसगढ़ गृह निर्माण मण्डल के अध्यक्ष श्री कुलदीप जुनेजा, संसदीय सचिव श्री चिन्तामणि महराज, श्री विकास उपाध्याय, विधायक श्री सत्यनारायण शर्मा, श्री धनेन्द्र साहू, श्री बृजमोहन अग्रवाल, श्रीमती अनीता शर्मा, छत्तीसगढ़ पर्यटन मण्डल के अध्यक्ष श्री अटल श्रीवास्तव, उपाध्यक्ष श्रीमती चित्रलेखा साहू, सदस्य श्री नरेश ठाकुर, श्री निखिल द्विवेदी, जिला पंचायत रायपुर के अध्यक्ष श्रीमती डोमेश्वरी वर्मा, जनपद अध्यक्ष आरंग श्री खिलेश देवांगन, सदस्य श्री दिनेश ठाकुर, नगर पंचायत चन्दखुरी अध्यक्ष श्री रविशंकर धीवर, कौशल्या माता मंदिर समिति के अध्यक्ष श्री गालव साहू, विशिष्ट अतिथि के रूप म कार्यक्रम म उपस्थित रइहीं।
