संस्कृति विभाग एसो आठ विधा मन म देही छत्तीसगढ़ राज्य अलंकरण सम्मान

रायपुर, छत्तीसगढ़ राज्य स्थापना दिवस के अवसर म 1 नवंबर के संस्कृति विभाग कोति ले ये साल अलग-अलग 8 विधा मन म विभूति मन ल छत्तीसगढ़ राज्य अलंकरण सम्मान दे जाही। जानबा हे के पहिली चार विधा मन म विभूति मन ल छत्तीसगढ़ राज्य अलंकरण सम्मान दे जात रहिस। संगेच कोरोना महामारी के चलते पाछू एक-दू बछर ले एक-दू विधा मन म पुरस्कार के घोषणा नइ हो पाय रहिस। ए विधा मन के विभूति मन ल घलोक राज्य अलंकरण समारोह म सम्मानित करे जाही।
ए प्रकार ले 1 नवंबर 2021 के 21वां राज्य स्थापना दिवस के अवसर म कुल 8 विधा मन म उत्कृष्ट काम करइया विभूति मन ल सम्मानित करे जाही। एमां साहित्य के क्षेत्र म उत्कृष्ट काम करइया ल पंडित सुन्दर लाल शर्मा सम्मान, संगीत अउ कला के क्षेत्र म उत्कृष्ट काम करे बर चक्रधर सम्मान, लोककला-शिल्पकला के क्षेत्र म उत्कृष्ट काम करइया ल दाऊ मंदराजी सम्मान ले सम्मानित करे जाही। अइसनहे पंथी नर्तक देवदास के स्मृति म पंथी नृत्य सम्मान अऊ मुख्यमंत्री श्री भूपेश बघेल के घोषणा म देवदास बंजारे स्मृति पुरस्कार, विदेश म स्थापित छत्तीसगढ़ के निवासी मन ल उत्कृष्ट काम करे बर छत्तीसगढ़ अप्रवासी भारतीय सम्मान, हिन्दी-छत्तीसगढ़ी सिनेमा के क्षेत्र म उत्कृष्ट काम करइया विभूति मन ल किशोर साहू सम्मान अऊ हिन्दी-छत्तीसगढ़ी सिनेमा के निर्देशन म बेहतर काम करइया विभूति मन ल किशोर साहू राष्ट्रीय अलंकरण सम्मान ले सम्मानित करे जाही।