2.67 लाख ले जादा 5 डिसमिल ले कम के छोटे भूखंड मन के पंजीयन

रायपुर, छत्तीसगढ़ शासन ह आम जनता के सुविधा ल ध्यान म रखत छोटे भूखंड मन के पंजीयन म लगे रोक ल हटाके 5 डिसमिल ले कम के छोटे भूखंड मन के पंजीयन के अनुमति देहे रहिस हे। एखर फलस्वरूप ई-पंजीयन प्रणाली म जरूरी प्रावधान करे गए रहिस। पंजीयन विभाग ह जनवरी 2019 ले 31 अकटूबर 2021 तक कुल 2,67,612 छोटे भूखंड मन के बैनामा मन के पंजीयन करे हे। पंजीयन विभाग ह अचल संपत्ति के अंतरण विलेख मन के पंजीयन कर के राज्य बर स्टाम्प शुल्क अउ पंजीयन फीस के रूप म राजस्व अर्जन के काम करथे।
चालू वित्तीय साल 2021-22 बर वित्त विभाग कोति ले निरधारित राजस्व प्राप्ति के लक्ष्य रूपिया 1650 करोड़ हे। एक अपरेल 2021 ले 31 अकटूबर, 2021 तक पंजीयन विभाग कोति ले 902.79 करोड़ रूपिया राजस्व प्राप्त होए हे, जेन पउर साल के इही समें के राजस्व प्राप्ति 636.66 करोड़ रूपिया के तुलना म 41.80 प्रतिशत जादा हे। अइसनहे विभाग ह 1,46,888 बैनामा मन ल पंजीयन करे हे जेन पउर साल म पंजीबद्ध के तुलना म 30.30 प्रतिशत जादा हे। जानबा हे कि पंजीयन शुल्क ले प्राप्त राशि ल राज्य शासन ह विकास, निर्माण अउ सेवा काम मन म खरचा करथे।