रायपुर, छत्तीसगढ़ी राजभाषा दिवस 28 नवम्बर के अवसर म छत्तीसगढ़ी राजभाषा आयोग कोति ले आयोजित चरचा-गोष्ठी म प्रबुद्ध साहित्यकार अऊ भाषाविद सकलाहीं। चरचा-गोष्ठी कार्यक्रम राजधानी रायपुर स्थित महंत घासीदास संग्रहालय के सभागार म बिहनिया 11 बजे ले चालू होही। कार्यक्रम के मुख्य अतिथि संस्कृति मंत्री श्री अमरजीत भगत होहीं। अध्यक्षता संसदीय सचिव श्री कुंवर सिंह निषाद करहीं।
चरचा-गोष्ठी म प्रबुद्ध साहित्यकार-भाषाविद मन कोति ले छत्तीसगढ़ी के मानकीकरण, छत्तीसगढ़ के सांस्कृतिक तत्व अऊ लोक नायक-महापुरूष मन उपर लेखन, राजकाज म छत्तीसगढ़ी, आठवीं अनुसूची अऊ पाठ्यक्रम म छत्तीसगढ़ी विसय उपर परिचर्चा होही। चरचा-गोष्ठी के आखरी सत्र म सम्मानित रचनाकार अऊ उपस्थित कवि मन कोति ले काव्य पाठ करे जाही।
छत्तीसगढ़ राजभाषा दिवस : छत्तीसगढ़ी भाखा के संबंध म चरचा-गोष्ठी 28 नवम्बर के प्रबुद्ध साहित्यकार अऊ भाषाविद् गोष्ठी म करहीं चरचा
