रायपुर, मुख्यमंत्री श्री भूपेश बघेल के सियानी म प्रभार जिला के सचिव मन संबंधित जिला के अंतर्गत कई धान उपार्जन केन्द्र मन के दौरा करके धान खरीदी व्यवस्था के जानकारी लेवत हें, उहें किसान मन के धान के सुचारू रूप ले विक्रय बर करे गए जम्मो जरूरी व्यवस्था संग पारदर्शितापूर्वक धान खरीदी के मॉनिटरिंग करे जात हे।
धान खरीदी के चउंथईया दिन आज खाद्य विभाग के सचिव श्री टोपेश्वर वर्मा अऊ तकनीकी शिक्षा विभाग के सचिव श्रीमती रीता शांडिल्य ह बेमेतरा जिला के कठिया, जेवरा, लेन्जवारा, कुसमी, सरदा, बीजाभांठ अउर हसदा धान खरीदी केन्द्र मन के निरीक्षण करके जरूरी निर्देश दीन। किसान मन ले धान खरीदी व्यवस्था के संबंध म चर्चा करिन। किसान मन ह धान खरीदी व्यवस्था ल संतोषप्रद बताइन।
उत्तर बस्तर कांकेर जिला के प्रभारी सचिव श्री अंकित आनंद ह नरहरपुर विकासखण्ड के चंवड, अमोड़ा, नरहरपुर अउर घोटियावाही खरीदी केन्द्र मन के उदुपहा जांच कर के धान खरीदी व्यवस्था के जायजा लीन, उमन खरीदी केन्द्र म करे गए व्यवस्था जइसे- छइंहा, पानी, ड्रनेज आदि के जानकारी लेहे गीस, संगेच किसान मन ले बातचीत करे गीस। प्रभारी सचिव ले चर्चा के समय किसान मन ह बताइन कि ऊंखर कोति ले 30 प्रतिशत बारदाना उपलब्ध कराये गये हे।
कोरबा जिला के प्रभारी सचिव श्री अन्बलगन पी. ह कनकी, कटघोरा अऊ पौड़ी धान उपार्जन केंद्र मन के उदुपहा जांच करिन। ओ मन किसान मन ले चर्चा करके किसान मन ले धान खरीदी व्यवस्था के जानकारी लीन। किसान मन ह बताइन कि ओ मन केन्द्र म धान खरीदी व्यवस्था ले संतुष्ट हे। राज्य सरकार कोति ले जुन्ना बारदाना के दर 25 रूपिया बढ़ाए बर मुख्यमंत्री श्री भूपेश बघेल के प्रति आभार व्यक्त करिन। ये मौका म संबंधित जिला के कलेक्टर संग खाद्य विभाग, सहकारी बैंक, विपणन संघ व राजस्व विभाग के अधिकारी मौजूद रहिन।
धान खरीदी के चाक-चौबंध व्यवस्था बर वरिष्ठ प्रशासनिक अधिकारी मन उपार्जन केन्द्र मन के सरलग जांच करत हें
