मुख्यमंत्री श्री भूपेश बघेल के बुनकर मन के हित म बड़का फैसला

रायपुर, मुख्यमंत्री श्री भूपेश बघेल ह राज्य के हजारों बुनकर परिवार मन के हित म बड़का फैसला लेत स्कूली छात्र मन के गणवेश के क्रय छत्तीसगढ़ हाथकरघा विकास अउ विपणन सहकारी संघ मर्यादित के माध्यम ले करे ल कहे हें। मुख्यमंत्री के ये महत्वपूर्ण फैसला ले हाथकरघा विकास अउ विपणन सहकारी संघ ले जुड़े हजारों बुनकर मन ल नियमित रोजगार मिलही अऊ ओ मन ल आर्थिक लाभ पहुंचही। मुख्यमंत्री के ये पहल के बाद स्कूल शिक्षा विभाग ह शिक्षण सत्र 2022-23 बर गणवेश के क्रय के संबंध म छत्तीसगढ़ हाथकरघा विकास अउ विपणन सहकारी संघ मर्यादित ल सैद्धांतिक सहमति प्रदान कर देहे हे। स्कूल शिक्षा विभाग कोति ले ये आशय के आदेश जारी करे गए हे।
स्कूल शिक्षा विभाग के प्राथमिक-माध्यमिक पढ़ईया लईका मन ल निःशुल्क अऊ हाई स्कूल-हायर सेकण्डरी स्कूल म अध्ययनरत आर्थिक रूप ले कमजोर परिवार के पढ़ईया लईका मन मात्र 10 रूपिया म गणवेश वितरित करे जाही। जानबा हे कि राज्य म 292 बुनकर समिति कार्यरत हे, जेमा ले 250 बुनकर समिति मन हाथकरघा संघ म 59 प्रकार के शासकीय वस्त्र के उत्पादन म संलग्न हे। राज्य सरकार ह पाछू तीन बछर ले राज्य के बुनकर मन बर सरलग रोजगार के अवसर उपलब्‍ध करावत हे। ये दौरान राज्य म कार्यरत 651 महिला स्व-सहायता समूह मन के 7812 महिला मन ल घलोक गणवेश वस्त्र सिलाई म अकतहा रोजगार उपलब्‍घ कराए गीस।
जानबा हे के राज्य सरकार ह हाथकरघा बुनाई रोजगार ल अपनाए बर इच्छुक 1346 हितग्राही मन ल नवीन बुनाई प्रशिक्षण बर 4 करोड़ 52 लाख रूपिया के सहायता देहे हे। एखर संगेच 3100 परंपरागत बुनकर मन के कौशल प्रशिक्षण बर 5.50 करोड़ रूपिया के राशि प्रदान करे हे। संगे संग हाथकरघा संघ कोति ले बुनकर के लइका मन ल प्रोत्साहित करे बर कक्षा 10वीं अउ कक्षा 12वीं म 60 प्रतिशत अंक ले पास होवइया 885 पढ़ईया लईका मन ल 36.19 लाख रूपिया के छात्रवृत्ति प्रदान करे गए हे।