- धर्मस्व मंत्री श्री ताम्रध्वज साहू ह नवा मेला के जगा के लीन जायजा
- अधिकारी मन ल भुइया ल बारेाबर करे अऊ फोर लेन सड़क बनाए के हुकुम
रायपुर, छत्तीसगढ़ के प्रसिद्ध राजिम माघी पुन्नी मेला के तियारी चालू हो गए हे। नवा मेला के जगा म आज छत्तीसगढ़ शासन के लोक निर्माण गृह, जेल ,धर्मस्व अऊ पर्यटन मंत्री श्री ताम्रध्वज साहू ह माघी पुन्नी मेला के तियारी मन के जायजा लीन। उमन मेला स्थल म सुव्यवस्थित आवागमन बर जमीन समतलीकरण, नदी के किनारे फोर लेन सड़क, पाथ-वे निर्माण संग इहां अवइया मेला देखईया मन अऊ साधु-संत मन के सुविधा के विशेष ख्याल रखे के निर्देश दीन।
मंत्री श्री साहू ह चौबे बांधा मार्ग म नवा मेला स्थल बर चिन्हांकित 54 एकड़ जमीन म राजिम माघी पुन्नी मेला के तियारी मन के अवलोकन करके स्थाई संरचना अऊ विकास बर होत काम मन के निरीक्षण करके महत्वपूर्ण निर्देश दीन। मंत्री ह इहां अकतहा संख्या म जेसीबी अऊ ट्रैक्टर लगाके जमीन के समतलीकरण अऊ लेबलिंग के काम ल एक हफ्ता के भीतर पूरा करे के निर्देश दीन। उमन विशेषज्ञ आर्किटेक्ट ले पूरा मेला स्थल के डिजाइन अऊ लेआउट तियार करात स्थल ले नदी तक फोर-लेन सड़क अऊ नदी के दुनों कोति पाथ-वे बनाए के निर्देश लोक निर्माण विभाग ल दीन। उमन भविष्य म पर्यटन, धर्म अऊ मेला ल दृष्टिगत रखत स्थाई रूप ले विकास काम सुनिश्चित करे के संग साधु-संत मन बर स्थाई घर, मंच, शिल्प, महिला समूह मन बर स्थाई दुकान अऊ अलग-अलग दिशा म अप्रोच रोड बर घलोक प्लान बनाए के निर्देश दीन। मंत्री श्री साहू ह पार्किंग अऊ आन उद्देश्य मन बर घलोक जगा आरक्षित करे अऊ त्रिवेणी संगम के दुनों कोति के करार म पिचिंग के काम ल घलोक चालू करे के निर्देश दीन। ये बेरा म कलेक्टर श्री निलेश क्षीरसागर, पुलिस अधीक्षक श्री जे आर ठाकुर , डीएफओ मयंक अग्रवाल ,जिला पंचायत सीईओ श्री संदीप अग्रवाल, अनुविभागीय अधिकारी श्री अविनाश भोई अउ संबंधित विभागीय अधिकारी संग श्री भावसिंह साहू श्री बैशाखु राम साहू, श्री विकास तिवारी, श्री राघोबा महाडिक अउर स्थानीय जनप्रतिनिधि अऊ नागरिक घलोक मौजूद रहिन ।
