दुर्ग, नवा बछर के पहली बिहनिया ये पईत नगर निगम दुर्ग ह नवाचार ल अपनात एक अजब पहल करिस, जेमां घर अऊ शहर ल स्वच्छ बनइया दिदि मन ल सम्मानित करे बर विशेष मुहिम चलाए गीस। मनखे मन ह घलोक ये अभियान म बढ़ चढ़के भाग लीन अऊ नवा बछर के पहली बिहान म जिला के करीबन 10 हजार ले जादा परिवार ह स्वच्छता दिदि मन ल फूल देके अपन दिन के शुरुआत करिन। कोनो ह उंखर आरती करिन त कोनो ह नरिय दीन। शाल,गरम कपड़ा ,टिफिन के डब्बा, फूल अऊ माला ले सबो ह स्वच्छता दिदि मन ल अपन मुताबिक सम्मान दीन। जनप्रतिनिधि ले लेके आम नागरिक सबो ह तहे दिल ले स्वच्छता दिदि मन के अभिनंदन करिन।
विधायक श्री अरुण वोरा ह स्वच्छ्ता दिदि मन के सम्मान करत कहिन कि महामारी ले लेके हर मौसम म स्वच्छता दिदि मन ह शहर ल स्वच्छ रखे के काम करे हें। शहर ल स्वच्छ अउ निर्मल बनाए रखे म इंकर विशेष योगदान रहे हे, जेला शहर के जनता हमेशा याद रखही।
स्वच्छता दिदि मन के सम्मान म पूरा दुर्ग शहर उमडि़स
