रायपुर, कोरोना ले बचाव बर प्रदेश म 15 ले 18 साल के लइका मन के बड़ जल्दी टीकाकरण करे जात हे। पाछू 3 जनवरी के ये आयु वर्ग के टीकाकरण के शुरूआत के बाद पहिली चार दिन म ही कुल लक्ष्य के 38 प्रतिशत किशोर मन ल टीका लग गए हे। मुंगेली, राजनांदगांव, धमतरी अऊ महासमुंद जिला म शुरूआती चारे दिन म कुल लक्ष्य के आधा ले जादा किशोर मन के टीकाकरण हो गए हे। उहें बालोद, बेमेतरा, कांकेर, गरियाबंद अऊ कोंडागांव घलोक एखर तीरेच म हे। प्रदेश म कुल 16 लाख 39 हजार 811 किशोर मन के टीकाकरण के लक्ष्य के विरूद्ध अब तक (6 जनवरी तक) छै लाख 18 हजार 089 ल कोरोना वैक्सीन के पहिली टीका लग गए हे।
कुल 16.4 लाख किशोर मन के टीकाकरण के लक्ष्य के विरूद्ध पहिली 4 दिन म 6.18 लाख ले जादा ल टीका लगाए गए हे।
सबो जिला मन म बनाय गए टीकाकरण साइट्स म किशोर-किशोरी उत्साह ले पहुंचके टीका लगवावत हें। साल 2005, 2006 अऊ 2007 म पैदा होए किशोर मन के ए केंद्र मन म टीकाकरण होवत हे। 3 जनवरी ले 6 जनवरी के बीच मुंगेली जिला म कुल लक्ष्य के 67 प्रतिशत, राजनांदगांव म 57 प्रतिशत, धमतरी म 56 प्रतिशत अऊ महासमुंद म 51 प्रतिशत किशोरों के टीकाकरण हो गए हे। उहें बालोद अऊ बेमेतरा म 15 ले 18 साल के 48-48 प्रतिशत, कांकेर म 47 प्रतिशत, गरियाबंद म 46 प्रतिशत, कोंडागांव म 45 प्रतिशत अऊ बलौदाबाजार-भाटापारा म 40 प्रतिशत लइका मन ल टीका लग गए हे।
कोरोना सक्रंमण ले बचाव बर अब तक मुंगेली जिला म 32 हजार 737, राजनांदगांव म 54 हजार 980, धमतरी म 27 हजार 180, महासमुंद म 32 हजार 993, बालोद म 23 हजार 625, बेमेतरा म 26 हजार 672, कांकेर म 21 हजार 471, गरियाबंद म 17 हजार 162, कोंडागांव म 16 हजार 327, बलौदाबाजार-भाटापारा म 37 हजार 526, दुर्ग म 41 हजार 064, बिलासपुर म 40 हजार 200, दंतेवाड़ा म 6242 अऊ रायगढ़ म 29 हजार 686 किशोर मन ल टीका लगाए गए हे।
कोरोनारोधी टीका के पहली खुराक रायपुर जिला म 46 हजार 272 किशोर मन ल, जांजगीर-चांपा म 32 हजार 836 ल, जशपुर म 16 हजार 099, सूरजपुर म 15 हजार 041, कबीरधाम म 17 हजार 054, कोरिया म 11 हजार 737, बलरामपुर-रामानुजगंज म 13 हजार 563, सरगुजा म 14 हजार 988, गौरेला-पेंड्रा-मरवाही म 5838, बस्तर म 13 हजार, कोरबा म 18 हजार 074, बीजापुर म 2603, सुकमा म 2233 अऊ नारायणपुर म 886 किशोर-किशोरी मन ल टीकाकरण के शुरूआत के पहिली चार दिनों म देहे गए हे।
प्रदेश म बड़ जल्दी होवत हे 15 ले 18 साल के लइका मन के टीकाकरण
