गर्भवती माता अऊ कुपोषित लइका मन ल टिफिन ले घर पहुंचा के देहे जात हे ताते-तात जेवन

रायगढ़, मुख्यमंत्री सुपोषण अभियान के तहत कलेक्टर भीम सिंह के निर्देशन म जिला म कुपोषण मुक्ति के दिशा म सरलग काम करे जात हे। मुख्यमंत्री सुपोषण अभियान म प्राथमिक तौर म कुपोषित लइका अऊ गर्भवती माता मन के खान-पान के विशेष ध्यान रखे जात हे। जिला म कोविड-19 के बाढ़त संक्रमण के सेती अभी हाल म आंगनबाड़ी केन्द्र मन ल बंद कर दे गए हे, फेर गर्भवती, शिशुवती अऊ कुपोषित लइका मन के स्वास्थ्य ल देखत ओ मन ल आंगनबाड़ी कार्यकर्ता मन ह ताते-तात अऊ पौष्टिक भोजन ऊंखर घर म पहुंचा के देवत हें। एखर अलावा लइका मन के स्वास्थ्य परीक्षण करके ओ मन ल पोषण पुनर्वास के सुविधा घलोक प्रदान करे जात हे।
ये अभियान म जिला के सबो सेक्टर के सीडीपीओ, सेक्टर सुपरवाईजर अऊ आंगनबाड़ी कार्यकर्ता मन के महत्वपूर्ण भूमिका हे। इंकर माध्यम ले कुपोषित लइका मन अऊ गर्भवती व शिशुवती माता मन ल ट्रैक करके ऊंखर स्वास्थ्य अऊ खानपान के विशेष ध्यान रखे जात हे। ये ए खातिर घलोक जरूरी हो जात हे के गर्भवती माता मन के पोषण स्तर कम होए म ओखर सीधा असर लइका उपर परथे अऊ लइका कुपोषित हो सकत हे।

Chief Minister Nutrition Campaign

CDPOs, Sector Supervisors and Anganwadi workers of all the sectors of the district have an important role in this campaign. Through which special care is being taken for the health and food of malnourished children and pregnant and lactating mothers by tracking them.