रायपुर, सांसद श्री राहुल गांधी ह आज साईंस कॉलेज मैदान म प्रदर्शनी के स्टाल मन के अवलोकन करत बेरा कोदो, कुटकी अऊ रागी के प्रोसेसिंग यूनिट के अवलोकन करिन। मुख्यमंत्री श्री भूपेश बघेल ह श्री गांधी ल बताए गीस कि छत्तीसगढ़ म मिलेट फसल मन ल बढ़ावा देहे बर मिलेट मिशन चालू करे गए हे। जेखर तहत ए फसल मन के उत्पादक किसान मन ले कोदो, कुटकी अऊ रागी के समर्थन मूल्य म खरीदी करे जात हे। संगेच कोदो, कुटकी अऊ रागी के फसल लेवइया किसान मन ल 10 हजार रूपिया प्रति एकड़ इनपुट सब्सिडी राजीव गांधी किसान न्याय योजना के अंतर्गत देहे के प्रावधान करे गए हे। खरीदे गे मिलेट के उपयोग कुपोषण दूर करे बर मध्यान्ह भोजन कार्यक्रम आंगनबाड़ी के पोषण आहार कार्यक्रम म करे जाही। उमन ल इहू बताए गीस कि मिलेट्स के उत्पादन करइया मन गांव मन म छोटे प्रसंस्करण इकाई अऊ पैकेजिंग इकाई स्थापित करे जात हे। खांटी जानकार मन मिलेट उत्पादन बर तकनीकी मार्गदर्शन के संगें-संग अच्छा बीज घलोक उपलब्ध कराए के व्यवस्था करे गए हे। एखर बर इंडिया इंस्टीट्यूट ऑफ मिलेट रिसर्च हैदराबाद अऊ प्रदेश के मिलेट उत्पादक 14 जिला मन के मध्य एमओयू करे गए हे। सासंद श्री राहुल गांधी ह छत्तीसगढ़ के मिलेट मिशन ल सहराईन।
श्री राहुल गांधी ह कोदो, कुटकी अऊ रागी के प्रोसेसिंग यूनिट के करिन अवलोकन : छत्तीसगढ़ के मिलेट मिशन ल सहराईन
