दुर्ग, केन्द्रीय सूचना अउ प्रसारण मंत्रालय के क्षेत्रीय लोकसंपर्क कार्यालय (फील्ड आउटरीच ब्यूरो) दुर्ग कोति ले ग्राम पंचायत-कंडरका म स्वतंत्रता के 75 वां वर्षगांठ के अवसर म ’’आजादी के अमृत महोत्सव’’ विषयक म विशेष जनसंचार कार्यक्रम आयोजित करे गीस।
ये कार्यक्रम के मुख्य अतिथि श्रीमती सरस्वती रात्रे, अध्यक्ष जनपद पंचायत-धमधा, विशिष्ठि अतिथि डॉ. परदेशी राम वर्मा, वरिष्ठ साहित्यकार, विशेष अतिथि श्रीमती आशा सिंह ठाकुर शिक्षिका, श्रीमती कुसुम वर्मा, सुपरवाइजर, मनहरण लाल साहू समाजसेवी एंव महेश वर्मा मंचासीन रहिन। अध्यक्षता श्रीमती खिलेश्वरी साहू सरपंच ग्राम पंचायत-कंडरका ह करिन। आमजन अऊ युवापीढ़ी ल आजादी के महत्व अउ वीर शहीद के पराक्रम ले अवगत कराए के उदेश्य ले रैली, जनसंवाद, विविधि प्रतियोगिता, प्रश्नमंच अउ सांस्कृतिक कार्यक्रम रखे गीस। जागरूकता रैली ल सरपंच श्रीमती खिलेश्वरी साहू अउ शिक्षिका श्रीमती आशा सिंह ठाकुर ह हरी झंडी देखाके गांव भ्रमण बर रवाना करे गीस अऊ खुद रैली के संग आगे-आगे चलके स्वतंत्रता सेनानी अमर रहे-रहे, आजादी के अमृत महोत्सव हम सजला मिलके मनाना हे, जन-जन के भागीदारी ले आत्मनिर्भर भारत बनाना हे, नारा के गूंज के संग गांव के गली चौराहा के भ्रमण कर वापस कार्यक्रम स्थल म पहुंचिन। ये बेरा म गांव के महिला मन, वरिष्ठ गणमान्य नागरिक, पंचायत प्रतिनिधि, शिक्षकगण अऊ युवावर्ग के सहभागिता रहीस। जनसभा ल सम्बोधित करत श्रीमती आशा सिंह ठाकुर, डॉ. परदेशी राम वर्मा, ह महात्मा गॉधी, सरदार वल्लभभाई पटेल सुभाषचन्द्र बोस अउ छत्तीसगढ़ के वीर सपूत अऊ आन स्वतंत्रता सेनानी मन के जीवन अउ कृतिव उपर विस्तार ले जानकारी दीन। मुख्यअतिथि के आंसदी ले श्रीमती सरस्वती रात्रे, अउ कार्यक्रम के अध्यक्ष श्रीमती खिलेश्वरी साहू ह अपन सारगर्भित उद्बोधन मे कहिन कि आजादी के 75वीं वर्षगांठ ल पूरा देश म भव्य रूप ले मनाए ले जम्मो देशवासी मन संग स्वतंत्रता के बाद जनम लेवइया पीढ़ी ल ओखर गौरवपूर्ण महत्व ले अवगत कराए जाना जरूरी हे। जेखर से आज के युवापीढ़ी म राष्ट्रप्रेम अउ राष्ट्रभक्ति के नवा चेतना जागृत होही।
ये बेरा म देशभक्ति के भावना ले ओतप्रोत विविध प्रतियोगिता, प्रश्नमंच अउ सांस्कृतिक कार्यक्रम आयोजित करे गीस। चित्रकला प्रतियोगिता म पहिली कु. मुस्कान साहू दूसरा फिजा बानो तीसरा मीनाक्षी साहू रंगोली म मुस्कान साहू दूसरा सरस्वती साहू तीसरा कुसुम धीवन, सात्वांना लुकेश्वरी साहू मेंहदी म पहिली मीना वर्मा दूसरा अंजली तीसरा सत्यभामा सात्वांना महेश्वरी व्यंजन प्रतियोगिता म मुन्नी देवांगन दूसरा सविता तीसरा सत्यभामा सात्वांना गजेश्वरी ल विभाग कोति ले आकर्षक पुरस्कार अउ प्रमाण-पत्र मंचस्थ अतिथि मन के हात बांटे गीस। ये बेरा म पंचायत अऊ आंगनबाड़ी केन्द्र कोति ले अन्नप्राशन अउ गोद भराई कार्यक्रम करे गीस । छत्तीसगढ़ी लोक कला समिति ’’स्वर धारा’’ के श्री राजेन्द्र साहू के निर्देशन म राष्ट्रभक्ति ले ओतप्रोत रोचक अउ मनोरंजक गीत-नृत्य अऊ सांस्कृतिक कार्यक्रम के प्रस्तुति देहे गीस । ये कार्यक्रम के विधिवत संचालन श्री प्रदीप विश्वकर्मा अऊ आभार प्रदर्शन विभाग प्रभारी के.एस.दीवान ह करिन।
कंडरका म आजादी के अमृत महोत्सव म विशेष जनसंचार कार्यक्रम
