अंगिरा ल अब नइ जाना परय दूर गाँव ले पानी लाए

बिलासपुर, जल जीवन मिशन ले सेवार गांव के अंगिरा के जीवन म खुशहाली आए हे। जिला के बिल्हा विकासखंड के सेवार गांव म अंगिरा के पिता खेती-किसानी करथे। अंगिरा के घर म ओखर मां अऊ दू बहिनी हे। पहिली अंगिरा अऊ ओखर माता-पिता अऊ दुनों बहिनी मन ल पानी लेहे बर घर ले दूर जाना परत रहिस। पानी लेहे बर एक किलोमीटर ले जादा दूर कुवां तक जाना अऊ पानी लेहे बर लाइन म अगोरा करना अड़बड़ असकट के काम रहिस। कई पइत तो पानी लेहे बर एक-डेढ़ घंटा ले जादा समय लग जात रहिस अऊ कहूं देरी म पहुंचे त कुवां म लंबा लेन लग जाती रहिस जेखर से अंगिरा ल स्कूल बर घलोक देरी हो जात रहिस।
पानी के भरपूर उपलब्धता नइ होए ले लइका मन ल पानी लाय बर रोजेच घंटों खरचा करना अऊ कई पइत स्कूल छूट जाना अऊ शिक्षा ले वंचित हो जाना एक गंभीर समस्या बन गए रहिस। फेर आज सेवार गांव के लइका स्वच्छ अऊ भसरपूर जल मिले ले अड़बड़ अछाह म हें अऊ अपन भविष्य के बुनियाद गढ़त हें।
अंगिरा अऊ वोखर परिवार ल जल जीवन मिशन के अंतर्गत घरे म ही नल कनेक्शन देहे गए हे। अब ओखर परिवार अऊ गांव के आन परिवार ल भरपूर पानी के सुविधा मिलत हे। सेवार गांव म जल जीवन मिशन के तहत काम तेज गति ले चलत हे। गांव के अधिकांश घर म अब नल ले पानी के कनेक्शन हे अऊ ओ मन ये मिशन ले लाभान्वित होवत हें।
अब अंगिरा अऊ ओखर मां तीर खेत म अपन पिता के मदद करे बर जादा समय हे जेखर परिणामस्वरूप अब जादा उत्पादन अऊ बेहतर कमाई घलोक होवत हे। अंगिरा के बताती हमन बहुत अकन समस्या मन के सामना करे हन। पहिली भिनसरहा दूरिहा के कुवां ले पानी लाना परत रहिस, स्कूल छूट जात रहिस, फेर अब पानी मिले ले मैं अऊ मोर परिवार खुश हे। अंगिरा के मां ह जल जीवन मिशन अंतर्गत पानी मिले ले खुशी जाहिर करत शासन के प्रति अपन आभार व्यक्त करे हे।