रायपुर, मुख्यमंत्री श्री भूपेश बघेल बघेल ह आज विधानसभा परिसर स्थित अपन कार्यालय कक्ष म वरिष्ठ पत्रकार श्री के. एन. किशोर अउ डॉ. राजेन्द्र मोहंती के कोसा सिल्क के पौराणिक काल ले लेके अब तक के यात्रा, कोसा के लुगरा अऊ पोशाक मन उपर सम्पादित पुस्तक ’दि इनक्रेडिबल जर्नी ऑफ कोसा’ के विमोचन करिन। ये बेरा म वरिष्ठ पत्रकार श्री बाबूलाल शर्मा घलोक उपस्थित रहिन।
ये पुस्तक कोसा रेशम के पीछू के पौराणिक कथा, एखर ऐतिहासिक उत्पत्ति, भारत म रेशम के आगमन अऊ विकास के बारे म जानकारी वाले साहित्यिक साक्ष्य अऊ छत्तीसगढ़ म एखर आगमन के बारे म चर्चा करथे। एखर अलावा ये रेशम के उत्पादन के पारंपरिक प्रक्रिया, धागा बनाए के प्रक्रिया के संगें-संग कई प्रकार के रेशमी कपड़ा जइसे साड़ी (लुगरा), ओढ़ना-कुरथा, आन काम म बउरे के कपड़ा आदि के बारे म घलोक चर्चा ये किताब म होए हे। संगेच ये पुस्तक ह छत्तीसगढ़ के बेशकीमती हाथकरघा कोसा उत्पाद उपर एक संक्षिप्त जानकारी देथे जे ह नवा पीढ़ी बर ज्ञान के भंडार के रूप म उपयोगी होही। मुख्यमंत्री श्री बघेल ह पुस्तक के प्रकाशन बर एखर से जुड़े सबो मनखे मन ल बधाई अऊ शुभकामना दीन।
श्री किशोर ह बताइस कि ये पुस्तक रेशम के बुनाई के पारंपरिक रूप मन के संगें-संग कोसा के यात्रा, रूपांकन, रंग अऊ बुनावट के सरलग बदलाव बनाव अऊ कोसा के इतिहास ल संरक्षित करे के एक प्रयास ये।
मुख्यमंत्री श्री भूपेश बघेल ह कोसा सिल्क के यात्रा उपर प्रकाशित पुस्तक के करिस विमोचन
