मुख्यमंत्री श्री भूपेश बघेल दामाखेड़ा मेला म पहुंचिन, सद्गुरू कबीर संत समागम समारोह म होइन सामिल

रायपुर, मुख्यमंत्री श्री भूपेश बघेल बलौदाबाजार-भाटापारा जिला के दामाखेड़ा म फाल्गुन पूर्णिमा के अवसर म आयोजित सद्गुरू कबीर संत समागम समारोह म सामिल होइन। ये मौका म उमन 22 करोड़ 43 लाख रूपिया ले बनइया कबीर सागर के उन्नयन अउ सौंदर्यीकरण काम के भूमि पूजन करिन। संगेच उमन मेला के विस्तार अउ स्वरूप ल देखत ये मेला के व्यवस्था राशि बर देवईया 27 लाख रूपिया के राशि ल बढ़ाके 50 लाख करे के घोषणा करे हें। संगेच इहां अवइया पर्यटक केमन सुविधा बर एक नवा अतिथि गृह अउ धर्मशाला निर्माण के घोषणा घलोक करे हें। एखर अकतहा मुख्यमंत्री ह बजट म पूर्व ले निरधारित 75 करोड़ के लागत ले नल जल योजना तहत शिवनाथ नदी ले कनेक्टिविटी ल लउहे पूरा करे के आश्वासन दीन। जेखर से दामाखेड़ा के आसपास करीबन 50 गांव ल फायदा मिलही। समारोह म मुख्यमंत्री ह पंथश्री हुजूर प्रकाश मुनि नाम साहेब के स्वागत करत उंखर से छत्तीसगढ़ के तरक्की अऊ खुशहाली बर आशीर्वाद लीन। विधानसभा अध्यक्ष डॉ. चरणदास महंत अऊ गृह मंत्री श्री ताम्रध्वज साहू अउ विधायक श्री शिवरतन शर्मा ह घलोक गुरू के दर्शन कर आशीर्वाद प्राप्त करिन।