पक्का छत के संग मजदूरी घलोक मिलिस
सुकमा, हरेक मनखे अपन परिवार के मूड़ी के उपर एक पक्का छत के सपना पूरा करना चाहथे। खुद के पक्का मकान, जेमां वो अपन परिवार के संग एक सुखी, खुशहाल जीवन सुविधापूर्ण रुप ले व्यतीत कर सकय। मनखे मन बर खुद के मकान होना बुढ़ापा के सहारा होथे। प्रधानमंत्री गृह योजनांतर्गत वो गांव वाले मन ल पक्का घर के सुविधा मिलत हे, जे मन बर पक्का मकान बनाना सपना रहिस। जिला के कोण्टा विकासखण्ड के ग्राम पंचायत इंजरम के ग्राम इरपागुड़ा के निवासी मड़कम जिम्मे, दीरदो हुंगा अऊ सोड़ी सींगे के पक्का घर के सपना पीएम गृह योजना के बदौलत पूरा होइस। जिहां ओ मन एक खुशहाल जीवन जीयत हें। साल 2019-20 म ओ मन के मकान पास होइस, जेखर बाद ओ मन ल एक एक किश्त के रुप म मकान निर्माण बर राशि प्राप्त हो गीस। अब तक ओ मन ल तीन किश्त ले 1 लाख 15 हजार रुपए देहे गए हे, जेकर सहायता ले उमन अपन पक्का घर के सपना ल पूरा करिन।
हितग्राही मन के बताती घर बनवाए बर उमन नजदीक के ग्राम पंचायत ढोण्ढरा के मिस्त्री के सहायता लीन अऊ परिवार के संग अपन सपना ल पूरा करिन। जेखर बर ओ मन ल मजदूरी भुगतान घलोक करे गीस। अपन पक्का मकान के सपना के साकार होए म हितग्राही मन ह राज्य शासन अउ जिला प्रशासन ल हिरदे ले धन्यवाद देहे हें।
ग्राम इरपागुड़ा म पास आवास म तीन पूरा, पांच छज्जा स्तर म
जिला समन्वयक, प्रधानमंत्री गृह योजना ले मिले जानकारी के मुताबिक ग्राम पंचायत इंजरम म वित्तीय साल 2019-20 म कुल 20 घर के स्वीकृति प्राप्त होइस, जेमां ग्राम इरपागुड़ा म 08 घर के स्वीकृति मिलीस। उमन बताइन कि योजना अंतर्गत हितग्राही ल घर निर्माण बर 1.30 लाख रुपए चार किश्त म प्रदान करे जाथे। स्वीकृत आवास म 3 नग घर पूरा हे अऊ हितग्राही ओमां अभी हाल समय म निवासरत हे, हितग्राही मन ल तीन किश्त के भुगतान करे गए हे। उहें हितग्राही सोड़ी रमेश अऊ कवासी भीमे ल योजनांतर्गत 2 किश्त के रुप म 70 हजार रुपए प्रदान करे गए हे। एखर संगेच हितग्राही सोड़ी भीमे, कुंजाम चिन्नका अऊ सोड़ी मुका ल एक किश्त के राशि प्रदान हो गए हे। पांचों हितग्राही मन के घर छज्जा स्तर म हे, जल्दीच ए ल पूरा कर ले जाही।
