जांजगीर-चाँपा, मुख्यमंत्री श्री भूपेश बघेल ह आज जांजगीर-चाँपा जिला के सक्ती नगरपालिका परिसर म स्वतंत्रता संग्राम सेनानी अऊ लोकप्रिय जन नेता स्वर्गीय श्री बिसाहू दास महंत के प्रतिमा के अनावरण करिन। स्वर्गीय श्री बिसाहू दास महंत के 98 वीं जयंती के अवसर म प्रतिमा के अनावरण करत श्री भूपेश बघेल ह कहिन कि छत्तीसगढ़ के अस्मिता के चिन्हारी स्वर्गीय श्री बिसाहू दास महंत जी जनप्रिय नेता रहिन। ओ मन चार पईत मध्यप्रदेश के कैबिनेट मंत्री अऊ प्रदेश कांग्रेस कमेटी के अध्यक्ष घलोक रहिन। ऊंखर ऐतिहासिक काम निर्वहन क्षमता ल प्रदेश के जनता हमेशा याद रखही।
अनावरण कार्यक्रम म विधानसभा अध्यक्ष डॉ. चरण दास महंत, राजस्व मंत्री श्री जय सिंह अग्रवाल, कोरबा सांसद श्रीमती ज्योत्सना महंत, सेवा आयोग के अध्यक्ष महंत रामसुंदर दास, रायपुर विकास प्राधिकरण के अध्यक्ष श्री सुभाष धुप्पड़, विधायक श्री रामकुमार यादव अऊ जनप्रतिनिधिगण संग श्री राजेश महंत, श्री सूरज महंत, श्री सृजन महंत, श्री मुरारी लाल तिवारी, श्री रघुराज पांडेय अऊ जिला प्रशासन के अधिकारी मौजूद रहिन।
मुख्यमंत्री ह स्वतंत्रता संग्राम सेनानी अऊ लोकप्रिय जन नेता स्वर्गीय श्री बिसाहू दास महंत जी के प्रतिमा के करिन अनावरण
