मुख्यमंत्री श्री भूपेश बघेल ले सर्व आदिवासी समाज के प्रतिनिधि मंडल ह करिस सौजन्य मुलाकात

रायपुर, मुख्यमंत्री श्री भूपेश बघेल ले आज इहां ऊंखर निवास कार्यालय म विधानसभा उपाध्यक्ष श्री मनोज मण्डावी के नेतृत्व म सर्व आदिवासी समाज के प्रतिनिधि मंडल ह सौजन्य मुलाकात करिस।
प्रतिनिधिमंडल ह मुख्यमंत्री ल बताइस कि उंखर घोषणा के मुताबिक राजाराव पठार म देवगुड़ी के विकास, शहीद वीर नारायण सिंह के प्रतिमा के स्थापना अऊ स्मारक निर्माण अऊ बूढ़ादेव स्थल के विकास बर 65 लाख रुपए के राज्य राशि वीर मेला आयोजन समिति ल मिल गे हे। प्रतिनिधि मंडल ह एखर बर मुख्यमंत्री श्री बघेल के प्रति आभार प्रकट करिस। जानबा हे कि स्वतंत्रता संग्राम सेनानी शहीद वीर नारायण सिंह के बलिदान दिवस के अवसर म पाछू साल 10 दिसंबर के बालोद जिला के गुरुर विकासखंड के राजाराव पठार म आयोजित वीर मेला म मुख्यमंत्री श्री भूपेश बघेल ह 65 लाख रुपिया के राशि कई ठन काम मन बर देहे के घोषणा करे रहिन।
ये बेरा म सर्व आदिवासी समाज के प्रदेश अध्यक्ष श्री सोहन पोटाई, वीर मेला आयोजन समिति राजाराव पठार के महासचिव श्री कृष्ण कुमार ठाकुर अउ सदस्यगण उपस्थित रहिन।