नायब तहसीलदार के दारू मंगाए वाले वीडियो वायरल होए के बाद वोला करे गीस निलंबित

बिलासपुर, मस्तूरी के नायब तहसीलदार रमेश कुमार कमार ल तुरंते प्रभाव ले निलंबित कर दे गए हे। शासकीय सेवक के विपरित आचरण प्रदर्शित करे के सेती कमिश्नर डॉ. संजय अलंग ह आज ओ ल निलंबित कर देहे हे। जानबा हे कि कमार के विरूद्ध अनुशासनहीन आचरण के वीडियो वायरल होए के घटना ल गंभीरता ले लेत कलेक्टर ह कठोर कार्रवाई के अनुशंसा आयुक्त ले करे रहिस।
कलेक्टर के प्रतिवेदन के आधार म नायब तहसीलदार ल कारण बताओ नोटिस जारी करके ओखर पक्ष सुने गीस। समाधान कारक जवाब नइ मिले के सेती विडियो म दारू मंगावत दिखत नायब तहसीलदार रमेश कुमार कमार ल तुरंते प्रभाव ले निलंबित करे गए हे। छत्तीसगढ़ सिविल सेवा (वर्गीकरण, नियंत्रण अऊ अपील) नियम 1966 के प्रावधान के अंतर्गत कमिश्नर डॉ. अलंग ह ये कार्रवाई करे हे। निलंबन अवधि म कमार के मुख्यालय भू-अभिलेख शाखा जिला कार्यालय बिलासपुर रहिही। नियमानुसार ओ ल जीवन निर्वाह भत्ता के पात्रता होही।