बलरामपुर, स्कूल शिक्षा, आदिम जाति अऊ अनुसूचित जाति विकास अउ सहकारिता मंत्री डॉ. प्रेमसाय सिंह टेकाम ह आज बलरामपुर जिला के विकासखण्ड मुख्यालय वाड्रफनगर म अधिकारी मन के बैठक लेके कई ठन विभाग मन कोति ले संचालित योजना मन के समीक्षा करिन अऊ संबंधित अधिकारी मन ल जरूरी दिशा-निर्देश दीन।
मंत्री डॉ. प्रेमसाय टेकाम ह समीक्षा बैठक म स्वामी आत्मानंद अंगरेजी माध्यम स्कूल के संचालन के प्रगति के समीक्षा करत अंगरेजी माध्यम स्कूल मन म अधोसंरचना उन्नयन के स्थिति, सुविधा, शिक्षकीय स्टाफ, अध्ययनरत पढ़ईया लईका मन के संख्या अऊ संचालन के संबंध म जानकारी लीन। उमन स्वामी आत्मानंद स्कूल मन म शिक्षकीय अउ अशिक्षकीय खाली पद मन म लउहे भर्ती प्रक्रिया पूरा करे केहुकुम संबंधित अधिकारी ल दीन।
बैठक म कलेक्टर श्री कुन्दन कुमार, वनमण्डाधिकारी श्री विवेकानन्द झा, मुख्य कार्यपालन अधिकारी जिला पंचायत श्रीमती रीता यादव, अकतहा पुलिस अधीक्षक ऑपरेशन श्री प्रशांत कतलम, अनुविभागीय अधिकारी राजस्व श्री विशाल कुमार महाराणा संग जिला अउ विकासखण्ड स्तर के अधिकारी उपस्थित रहिन।
स्वामी आत्मानंद स्कूल मन म शिक्षकीय अउ अशिक्षकीय खाली पद मन म भर्ती प्रक्रिया लउहे पूरा करे के हुकुम
