स्‍व सहायता समूह ले जुड़के पूनम गुप्ता होइस आर्थिक रुप ले सशक्त

बिहान योजना ले करजा ले के शुरू करिस टेंट हाउस के व्यवसाय
व्यवसाय म होए लाभ ले ट्रेक्टर बिसाईस अऊ शुरू करिस किराना दुकान

रायपुर, सनावल म आयोजित जन चौपाल कार्यक्रम म मुख्यमंत्री श्री भूपेश बघेल ले रविदास महिला स्‍व सहायता समूह के सदस्य श्रीमती पूनम गुप्ता ह बिहान कार्यक्रम के तहत स्‍व सहायता समूह ल मिले करजा ले होए अपन आर्थिक सशक्तिकरण के कहानी साझा करिस। वो ह मुख्यमंत्री श्री बघेल ल बताइस कि ओ ह स्‍व सहायता समूह म सक्रिय महिला के रूप म काम करथे। समूह म जुड़े ले पहिली वोखर आर्थिक स्थिति कमजोर रहिस। समूह ले जुड़े के बाद वो ह करजा लीस अऊ टेंट हाउस के व्यवसाय चालू करिस। टेंट हाउस व्यवसाय ले ओ ल 1 साल म 4 ले 5 लाख के आमदनी होथे। ये आमदनी ले वो ह किराना दुकान चालू करिस अऊ एक ट्रैक्टर घलोक बिसाईस। मुख्यमंत्री ह वोखर से पूछिन कि वो ह कोन कंपनी के ट्रैक्टर बिसाए हे त वो ह बताइस कि महिंद्रा के ट्रैक्टर लेहे हे। मुख्यमंत्री भूपेश बघेल ह ओ ल आर्थिक रूप ले स्वावलंबी बने म बधाई देवत भविष्य बर ओ ल शुभकामना दीन।