भेंट-मुलाकात अभियान: कुदरगढ़ म लउहे बनही रोप-वे

रायपुर, मुख्यमंत्री श्री भूपेश बघेल ह कुदरगढ़ म ’भेंट-मुलाकात’ अभियान के तहत गांव वाले मन ले सीधा चर्चा के बेरा म ऊंखर आग्रह म क्षेत्र म विकास कार्य अऊ जनसुविधा मन ले जुड़े बहुत अकन महत्वपूर्ण घोषणा करिन। मुख्यमंत्री श्री बघेल ह कहिन कि कुदरगढ़ म माँ बागेश्वरी देवी के दर्शन बर अवइया श्रद्धालु मन के सुविधा बर लउहे रोप वे के निर्माण करे जाही। ये काम बजट म सामिल हे। जल्दीच एखर बर टेण्डर होही। मुख्यमंत्री ह कुदरगढ़ म विश्राम गृह निर्माण, उप स्वास्थ्य केन्द्र के स्थापना, पुलिस चौकी के भवन निर्माण, रक्सगंडा ल पर्यटन केन्द्र के रूप म विकसित करे, बिहारपुर मार्ग के चौड़ीकरण, रगदा (कुसमुसी) गोबरी नाला म पुल निर्माण, ओडगी-बिहारपुर मार्ग के घटिया निर्माण के जांच कराकर जून तक सड़क के निर्माण पूरा कराए अऊ शिवनंदनपुर (विश्रामपुर) म आईटीआई के मंजूरी के घोषणा करिन। ये बेरा म नगरीय प्रशासन अउ विकास मंत्री डॉ.शिवकुमार डहरिया, संसदीय सचिव श्री पारसनाथ राजवाड़े अऊ अपर मुख्य सचिव श्री सुब्रत साहू घलोक उपस्थित रहिन।