मुख्यमंत्री के संवेदनशील पहल
अब श्रीमती विश्वास के बेटा के ब्रेन ट्यूमर के हो सकही आसानी ले इलाज
भेंट मुलाकात अभियान के समय मुख्यमंत्री ह ग्राम आरागाही के गौठान म 05 मई के श्रीमती विश्वास ल करे रहिन मदद दे के घोषणा
रायपुर, भेंट-मुलाकात अभियान के समय मुख्यमंत्री श्री भूपेश बघेल कोति ले करे जात घोषणा अऊ निर्देश मन म तेजी ले अमल करे जात हे। तम्बेश्वरनगर के श्रीमती रीना विश्वास ल मुख्यमंत्री के घोषणा के 48 घंटा के भीतर ही 4 लाख रूपिया के राशि मिल गए हे। ये राशि वोखर बैंक खाता म जमा हो गए हे।
जानबा हे कि मुख्यमंत्री श्री बघेल भेंट-मुलाकात अभियान के दूसर दिन 05 मई के बलरामपुर-रामानुजगंज जिला के आरागाही गौठान म पहुंचे रहिन। ये दौरान तम्बेश्वरनगर के रहइया श्रीमती रीना विश्वास ह मुख्यमंत्री ले मिलके अपन बेटा के ब्रेन ट्यूमर के इलाज बर मदद मांगे रहिस। श्रीमती रीना विश्वास ह मुख्यमंत्री ल बताइए रहिा कि बेटा के इलाज म बड़का राशि खर्च हो गे हे, बेटा के आगू के इलाज कराना वोखर बर सम्भव नइ हो पा त हे। मुख्यमंत्री ह वोखर व्यथा सुनके संवेदनशीलता के संग तुरंत ओ मन ल स्वेच्छानुदान मद ले 4 लाख रूपिया के आर्थिक सहायता देहे के घोषणा करे रहिन। मुख्यमंत्री के आगू ही महिला ह आवेदन लिख पाय म असमर्थता देखाइस त प्रार्थी कोति ले नगरीय प्रशासन मंत्री डॉ. शिवकुमार डहरिया ह बिना कोनो संकोच के खुदे आवेदन लिखिस अऊ आवेदन म मुख्यमंत्री ह तुरंते 4 लाख रूपिया के राशि स्वेच्छानुदान ले स्वीकृत कर दीन। सहायता राशि मिले म श्रीमती रीना विश्वास अऊ ऊंखर परिवार ह मुख्यमंत्री के प्रति आभार प्रकट करे हें।
