रायपुर, प्रदेशव्यापी भेंट मुलाकात के समय मुख्यमंत्री श्री भूपेश बघेल लइका मन ले घलोक रूबरू होवत हें। ओ मन न सिरिफ
लइका मन ले मया संग मिलत हें भलुक सरगुजा के राजपुर म उमन हाईस्कूल अऊ हायर सेकेन्ड्री परीक्षा के टापर लइका मन
ल हेलीकाप्टर राईड करे के घोषणा करिन उहें आज लुण्ड्रा विधानसभा क्षेत्र के लइका मन ल नवा राजधानी, मुख्यमंत्री निवास
अऊ जंगल सफारी घुमाय के वायदा करिन।
सरगुजा के लुण्ड्रा विधान सभा क्षेत्र के गांव सहनपुर के लइका मन ह मुख्यमंत्री ल बताइन कि ओ मन कभू सरगुजा ले बाहिर
नइ गए हें अऊ नवा राजधानी देखना चाहत हें। तब उमन न सिरिफ नवा रायपुर बल्कि मुख्यमंत्री निवास म चाय बर नेवता
दीन अऊ जंगल सफारी घुमाय के वादा घलोक करिन। उमन कलेक्टर सरगुजा ल ए लइका मन ल नवा राजधानी स्थित
मंत्रालय के संग जंगल सफारी अऊ मुख्यमंत्री निवास घुमाय के व्यवस्था करे के हुकुम दीन।
लइका मन ह स्वागत म गाइन सरगुजिया गीत
लइका मन ह भेंट मुलाकात के समय मुख्यमंत्री के स्वागत म सरगुजिया बोली म गीत गाइन। मुख्यमंत्री ह लइका मन के एक
सुर म सुनाए गीत ’’चल तो भैया रे सहनपुर ले..सीएम ले मिलब रे..सीएम ले मिलब रे..’’ ल सहराइन अऊ गीत के रचना
करइया के बारे म पूछिन। लइका मन ह बताइन कि ये गीत उंखर शिक्षिका ह सिखाए हे। ये बात म मुख्यमंत्री ह शिक्षिका ल
ये सुंदर गीत बर बधाई दीन।
