मुख्यमंत्री बनना उद्देश्य नहीं, जन सेवा उद्देश्य हे : मुख्यमंत्री श्री बघेल

रायपुर, मुख्यमंत्री श्री भूपेश बघेल ह कहिन कि मुख्यमंत्री बनना मोर उद्देश्य नइ रहिस। जनसेवा मोर उद्देश्य हे। जेखर चलते मैं सार्वजनिक जीवन म आएवं। सेवा सबले बड़का धरम हे। मोर मानना हे कि मनखे मन के सेवा बर हम सबला तइयार रहना चाही। सीतापुर विधानसभा क्षेत्र के ग्राम राजपुर म भेंट मुलाकात के समय कक्षा 12वीं के छात्रा सीमा गुप्ता के पूछे गए सवाल के जवाब म मुख्यमंत्री ह ये बात कहिन।
मुख्यमंत्री ले चर्चा के समय सीमा गुप्ता ह पूछिस कि आप मुख्यमंत्री कइसे बनेव, सरकारी नौकरी काबर नइ करेव? मुख्यमंत्री ह ये बात के जवाब देवत कहिन कि ऊंखर परिवार तीर खेती-किसानी के बहुत जमीन हे। पिताजी नइ चाहत रहिन कि, मैं सरकारी नौकरी करंव। तभो ले उमन दुनों बहिनी मन ल बने पढ़ाइन। ओ मन दुनों इंजीनियर हे। मोर रुचि बचपन ले खेती-किसानी म रहिस। गांव म रहत पहिली पंच बनेव फेर पार्टी के जिला अध्यक्ष बनेव अऊ फेर विधायक, अविभाजित मध्यप्रदेश अऊ छत्तीसगढ़ म मंत्री अऊ अब मैं मुख्यमंत्री हंव।