शासकीय आयुर्वेदिक महाविद्यालय मन म हरेक सुकरवार के होही विशेष मानसिक स्वास्थ्य ओपीडी

रायपुर, प्रदेश के शासकीय आयुर्वेदिक महाविद्यालय चिकित्सालय रायपुर अउ बिलासपुर म हरेक सुकरवार के विशेष मानसिक स्वास्थ्य ओपीडी के संचालन करे जात हे। आयुष संचालनालय के सहायक संचालक डॉ. विजय साहू ह बताइस कि हरेक सुकरवार के संचालित ये विशेष ओपीडी म मानसिक समस्या मन ले जूझत मनखे मन ल आयुर्वेद के माध्यम ले उपयुक्त उपचार अउ स्वस्थ जीवन शैली सम्बंधित मार्गदर्शन निःशुल्क प्रदान करे जात हे । जरूरत मुताबिक मरीज मन ल पंचकर्म सेवा घलोक प्रदान करे जाही । उमन बताइन कि शासकीय आयुर्वेदिक महाविद्यालय चिकित्सालय रायपुर अउ बिलासपुर म 1 अपरेल 2022 ले हरेक सुकरवार ये विशेष ओपीडी संचालित करके मानसिक स्वास्थ्य ले पीड़ित मरीज मन के निःशुल्‍क इलाज करही।