रायपुर, मुख्यमंत्री श्री भूपेश बघेल ह पूर्व प्रधानमंत्री श्री राजीव गांधी के शहादत दिवस के अवसर म आज अपन निवास कार्यालय म आयोजित कार्यक्रम म ऊंखर फोटू म फूल चढ़ा के ओ मन ल नमन करिन। मुख्यमंत्री ह ये बेरा म उपस्थित सबो मनखे मन ल आतंकवाद विरोधी दिवस के शपथ देवाइन। कार्यक्रम म उपस्थित मनखे मन संग वीडियो कॉन्फ्रेंसिंग के माध्यम ले जिला मन ले जुड़े मंत्रिगण, संसदीय सचिव विधायकगण, आन जनप्रतिनिधि अऊ नागरिक मनह अहिंसा अऊ सहनशीलता के परम्परा म विश्वास रखत सबो प्रकार के आतंकवाद अऊ हिंसा के विरोध करे के संगेच सबो वर्ग के बीच शांति, सामाजिक सदभाव अऊ सुझबूझ ल कायम रखे अऊ मानव जीवन मूल्य मन ल खतरा पहुंचइया अऊ विघटनकारी शक्ति मन ले लड़े के संकल्प लीन।
ये बेरा म मुख्यमंत्री के सलाहकार श्री प्रदीप शर्मा, मुख्य सचिव श्री अमिताभ जैन, अपर मुख्य सचिव श्री सुब्रत साहू, कृषि उत्पादन आयुक्त डॉ.कमलप्रीत सिंह, मुख्यमंत्री के सचिव श्री सिद्धार्थ कोमल सिंह परदेशी, आदिमजाति कल्याण विभाग के सचिव श्री डी.डी.सिंह, राजस्व सचिव श्री एन.एन. एक्का, कृषि सचिव डॉ.एस.भारतीदासन, विशेष सचिव अउ नोडल अधिकारी गोधन न्याय मिशन डॉ. अय्याज फकीर भाई तम्बोली, कृषि संचालक श्री यशवंत कुमार संग आन वरिष्ठ अधिकारी उपस्थित रहिन।
आतंकवाद विरोधी दिवस: पूर्व प्रधानमंत्री स्वर्गीय श्री राजीव गांधी जी के मुख्यमंत्री करिन सुरता
