रायपुर, मुख्यमंत्री श्री बघेल भेंट-मुलाकात कार्यक्रम म 19 मई के बीजापुर वनमंडल के ग्राम आवापल्ली म पहुंचे रहिन। उहां गांव वाले मन ले मुलाकात के समय संग्राहक मन ह बताइन कि अभी हाल म जादा मात्रा म महुआ फूल के उत्पादन होए हे। एला ध्यान म रखत वनवासी संग्राहक मन संग्रहण अवधि ल बढ़ाए के मांग रखे रहिन। मुख्यमंत्री श्री बघेल ह वनवासी मन के हित ल ध्यान म रखत मौका म ही राज्य म महुआ फूल (सूखा) के संग्रहण अवधि ल बढ़ाए के हुकुम देहे रहिन। मुख्यमंत्री के हुकुम म लउहे अमल करत राज्य लघु वनोपज संघ ह 19 मई ले ही आदेश जारी करके महुआ फूल के संग्रहण अवधि ल बढ़ाके 31 मई तक कर देहे हे। पहिली ये एक अपरेल ले 30 अपरेल तक निरधारित रहिस। वन अउ जलवायु बदलाव मंत्री श्री मोहम्मद अकबर के मार्गदर्शन म राज्य म लघु वनोपज मन के संग्रहण सुचारू रूप ले जारी हे।
राज्य म महुआ फूल (सूक्खा) के संग्रहण 31 मई तक
