रायपुर, प्रदेश के विधि अउ विधायी कार्य मंत्री श्री मोहम्मद अकबर ले प्रदेश के वकील मन के एक प्रतिनिधिमंडल ह भेंट करके उंखर मेर चर्चा करिन। प्रतिनिधिमंडल ह सरकारी वकील मन के मानदेय म 80 प्रतिशत के बढ़ोतरी करे म प्रदेश के मुख्यमंत्री श्री भूपेश बघेल अउ विधि-विधायी मंत्री श्री मोहम्मद अकबर के प्रति आभार व्यक्त करिस। ये बेरा म सरकारी वकील मन ह सेवानिवृत्ति के उम्मर 62 ले बढ़ाके 65 साल करे के संग आन मांग के ज्ञापन घलोक विधि मंत्री ल सौपिन।
विधि मंत्री के शंकर नगर के निवास कार्यालय म पहुंच के सरकारी वकील मन के प्रतिनिधिमंडल ह उंखर से भेट करिन। प्रतिनिधिमंडल ह विधि मंत्री ले कहिन कि मानदेय 80 प्रतिशत बढ़ाए ले सरकारी वकील मन म खुशी के लहर हे। विधि मंत्री ल सौपे गए ज्ञापन म कहे गए हे कि सेवानिवृत्ति के आयु 62 साल होए ले शासन ल वरिष्ठ अधिवक्ता मन के अनुभव के लाभ नइ मिल पात हे। एला देखत प्रदेश के न्यायालय मन म सरकारी वकील के सेवानिवृत्ति के आयु 65 साल करे जाए। मानदेय काम अवधि के आधार म देहे जात हे जेन ल 42,500 रूपिया अऊ 38,500 रूपिया प्रति महिना स्थायी रूप ले करे जाय।
अलग-अलग जिला मन म स्थित शासकीयअभिभाषक/लोक अभियोजक कार्यालय म कम्प्यूटर सेट अऊ फोटो कॉपी मशीन के सुविधा संग आपरेटर के व्यवस्था करे के मांग घलोक ज्ञापन म हे। ये बेरा म शासकीय अभिभाषक सर्वश्री के. के. शुक्ला-रायपुर, राजेश पांडे-जांजगीर, नारायण कनौजे-राजनांदगांव, संतोष कुमार देवांगन-कबीरधाम, दिनेश तिवारी-बेमेतरा, मनीष चौबे-मुंगेली, बालमुकुंद चंद्राकर -दुर्ग, भूपेन्द्र चंद्राकर-महासमुंद, सौरभ मणी मिश्रा-कांकेर, विरेन्द्र गौराहा-बिलासपुर, अकतहा शासकीय अभिभाषक मोहम्मद अरशद खान-दुर्ग, विशेष लोक अभियोजक कमल किशोर वर्मा-दुर्ग सामिल रहिन।
42,500 रूपिया महिना: सरकारी वकील मन के बाढ़ गे मानदेय
