जाति प्रमाण पत्र समय म नइ मिले के सेती मैं पढ़ नइ पाएवं, फेर मोर बेटा पढ़ही काबर के ओला दुसरी कक्षा म ही जाति प्रमाण पत्र मिल गे

मुख्यमंत्री भूपेश बघेल के पहल ले कार्यालय के चक्कर लगाय ले मुक्ति मिलीस, स्कूले म मिल गे जाति प्रमाण पत्र

कांकेर,  जिला के अंतागढ़ ब्लाक म रहइया कलेश पलार हल्बा जनजाति के हे, फेर जाति प्रमाण पत्र समय म नइ बने के सेती 10वीं के बाद पढ़ाई जारी नइ रख पाइस। आज कलेश पवार के चेहरा म मुस्कान हे काबर के जाति प्रमाण पत्र के सेती वोखर बेटा के पढ़ाई अब नइ रूकय। दुसरी कक्षा म पढ़इया वोखर बेटा जिज्ञांशू ल स्कूले म जाति प्रमाण पत्र मिल गे हे।
तीन साल पहिली तक जाति प्रमाण पत्र बनवाए बर आवेदक ल कार्यालय मन के चक्कर लगाए ल परत रहिस। ये प्रक्रिया अतका जटिल रहिस कि कई मनखे मन ह जाति प्रमाण पत्र के बारे म सोचना ही बंद कर देहे रहिन।
मुख्यमंत्री भूपेश बघेल ह ये परेशानी ल समझिस अऊ जाति प्रमाण पत्र के सरलीकरण करिस। अब स्कूल म ही जाति प्रमाण पत्र बर फार्म भरे जाथे अऊ बिना दौड़भाग के जाति प्रमाण पत्र बनके स्कूले म ही लइका ल मिल जाथे। अइसनहेच कुछ होए हे दुसरी कक्षा म पढ़इया जिज्ञांशू अऊ ओखर जइसे हजारों नौनिहाल मन के संग जिनला जाति प्रमाण पत्र के सेती कोनो तकलीफ झन होवय अऊ वो मन समय समय म शासन के योजना मन के लाभ घलोक ले सकयं।