मुख्यमंत्री श्री भूपेश बघेल ह मातृ अउ शिशु रोग स्वास्थ्य केंद्र के करिन लोकार्पण

कांकेर, मुख्यमंत्री श्री भूपेश बघेल ह अपन प्रदेशव्यापी भेंट-मुलाकात कार्यक्रम के समय आज कांकेर जिला मुख्यालय के अलबेलापारा स्थित मातृ अउ शिशु रोग अस्पताल के शुभारंभ करिन। एखर ले पहिली इहां आदर्श महिला महाविद्यालय संचालित होत रहिस। कोरोनाकाल म एला कोविड-19 अस्पताल म बदले गए रहिस। जेखर बाद जिला चिकित्सालय कांकेर म संचालित मातृ अउ शिशु स्वास्थ्य अस्पताल ल इहां स्थानांतरित करे गीस।
ये अस्पताल म मातृ अउ शिशु स्वास्थ्य बर प्रसुति अउ स्त्री रोग ओ.पी.डी., सोनोग्राफी, प्रसव पूर्व, प्रसव कक्ष, प्रसव पश्चात कक्ष, एक्लेमशिया कक्ष, ऑपरेशन थियेटर, मातृ आई.सी.यू. अउ पी.पी.ओ.टी. अऊ शिशु स्वास्थ्य म शिशु रोग ओ.पी.डी., नवजात शिशु चिकित्सा ईकाई, शिशु गहन चिकित्सा ईकाई, स्टेप डाऊन, 57 बिस्तरीय वार्ड अउ पोषण पुनर्वास केन्द्र के सुविधा देहे जात हे।
अस्पताल जांच के समय छत्तीसगढ़ विधानसभा के उपाध्यक्ष श्री मनोज सिंह मंडावी, महिला अउर बाल विकास मंत्री श्रीमती अनिला भेड़िया, संसदीय सचिव श्री शिशुपाल शोरी, मुख्यमंत्री के सलाहकार श्री राजेश तिवारी, अनुसूचित जनजाति आयोग के सदस्य श्री नितिन पोटाई, बस्तर विकास प्राधिकरण के सदस्य श्री बिरेश ठाकुर, बस्तर संभाग के कमिश्नर श्री श्याम धावड़े, आईजी श्री सुन्दरराज पी, कलेक्टर श्री चन्दन कुमार, एसपी श्री शलभ कुमार सिन्हा उपस्थित रहिन।