रायपुर, मुख्यमंत्री श्री भूपेश बघेल के भेंट-मुलाकात कार्यक्रम भानुप्रतापपुर विकासखण्ड के ग्राम डोंगरकट्टा वासी मन बर वरदान साबित होए हे। मुख्यमंत्री श्री भूपेश बघेल तक गांव वाले मन के शिकायत पहुंचे के 48 घंटा के भीतर गांव वाले मन ल 25 साल पहिली ईओडब्लू के जब्त करे उंखर राजस्व रिकॉर्ड वापस मिल गे। ये रिकॉर्ड के अभाव म ओ मन ल शासकीय योजना मन के लाभ नइ मिल पात रहिस, संगेच कई प्रकार के समस्या के सामना करना परत रहिस। गांव वाले मन ह ये बात के शिकायत ग्राम भानबेड़ा म आयोजित भेंट-मुलाकत चौपाल के समय मुख्यमंत्री ले करे रहिन, वो समें श्री बघेल ह तुरंत कार्यवाही करे के निर्देश अधिकारी मन ल देहे रहिन। अब ग्राम डोंगरकट्टा के जमीन के जम्मो कागद तहसील कार्यालय भानुप्रतापपुर ल दे देहे गए हे, एखर से गांव वाले मन के संगें-संग 110 खातेदार मन ल घलोक फायदा मिलही।
मुख्यमंत्री ले भेंट-मुलाकात के 48 घंटा के भीतरेच हल हो गे 25 साल जुन्ना समस्या
