रायपुर, यूपीएससी म चयन बर जगा के बाधा नइ होवय। रायपुर ले पढ़े ले घलोक सलेक्शन होथे। बिना कोचिंग के घलोक सलेक्शन होथे। हिंदी मीडियम ले घलोक सलेक्शन होथे अऊ एखर बर जरूरी नइ हे के बड़का प्रतिष्ठित संस्था ले कोचिंग लेहे जाए। दुर्ग म पांच टॉपर्स मन जुरियाईन अऊ सब अलग-अलग एजुकेशन फील्ड के रहिन, सब मन कहिन कि अपन पसंद के सबजेक्ट चुनव अऊ अड़बड़ पढ़व।
रायपुर के टॉपर श्रद्धा शुक्ला ह कहिस कि वो ह कोचिंग नइ लीस अऊ मौलिक मटेरियल पढि़स। रायपुर ले ही पढ़ाई घलोक करिस। मगरलोड के ठेठ छत्तीसगढ़ी म बोलईया पूजा ह बताइस कि वोकर घर म इंटरनेट के कवरेज नइ हे। इंटरनेट बर ऊपर छत म जाना परथे। तभो ले चयन म ए ह कोनो बाधा नइ बनिस। पूजा ह बताइस कि सोशल मीडिया तो सबले जादा बाधक हे। वो ह पढ़ई बर तीन साल तक सोशल मीडिया ले दूर रहिस। वोबजताईस कि पहिली दू अटेम्प खराब होइस, फेर हिम्मत नइ हारेंव। निगेटिव मनखे मन ले दूर रहेंव। पाजिटिविटी आप के भसीतरी हे एखर बर मसूरी जाके मोटिवेशन नइ लेहे ल परय, अइसन मोटिवेशन टिकय घलो नहीं। अभिषेक अग्रवाल ह कहिस के जॉब के संग पढ़ई तको करे जा सकत हे। मैं जॉब म रहत पढ़ई करेंव, एकर बर टाईम मैनेज करना परिस। अक्षय पिल्लै ह कहिस कि इंजीनियरिंग के सब्जेक्ट घलोक चुने जा सकत हे। कोनो विसय होवय, वोमें आप मन के पकड़ मायने रखथे। दिव्यांजलि ह कहिस कि यूपीएससी के तैयारी मैराथन दौड़ के जइसे हे। ये मा सही रणनीति रखना बहुत जरूरी हे।
कार्यशाला म कलेक्टर दुर्ग डॉ. सर्वेश्वर नरेंद्र भुरे ह घलोक अपन अनुभव साझा करिन। उमन बताइन कि कइसे साढ़े तीन घंटा आप लगातार धैर्य ले आज टॉपर्स ल सुनत हव। कुछ बछर पहिली मैं ह घलोक अइसनहे एक कार्यशाला अटेंड करे रहेंव, जेमां खड़े होके साढ़े तीन घंटा टापर्स ल सुने रहेंव। जिहां आप मन के इंटेलीजेंस के सीमा होथे उहां ले हार्डवर्क काम करना शुरू कर देथे।
पुलिस अधीक्षक दुर्ग डॉ. अभिषेक पल्लव ह घलोक अपन अनुभव साझा करिन। उमन कहिन कि हार्ड वर्क के कोनो विकल्प नइ हे। स्मार्ट वर्क के शुरूआत घलोक हार्ड वर्क ले होए अनुभव मन ले होथे। यूपीएससी के तैयारी करव त ओला पूरा समर्पित होके तैयारी करना होही। जब तक पूरा संकल्प ले के अपन शक्ति ये मा झोंक नइ देहू, तब तक सफलता नइ मिलय, फेर सही रणनीति ले कहूं कड़ा मेहनत करे जाय त सफलता तय हे।
मुख्यमंत्री @bhupeshbaghel जी, जय जोहार।
आप मन के नेतृत्व म छत्तीसगढ़ी भाखा अउ छत्तीसगढ़िया मनखे मन मा अपन भाखा बर जौन आत्मविश्वास जगे हे, तेन ह अद्भुत हवय।
कोनो #UPSC टॉपर ला फांय फांय छत्तीसगढ़ी म गोठियात पहली बार सुने हन। आज इंटरव्यू लेव हो। @ipskabra @ChhattisgarhCMO pic.twitter.com/0XlG8xVt9Y— Yashwant Sahu 🗨(Bhilai Times) (@yashwantbhilai) June 10, 2022
