- – जिला के जम्मो स्वास्थ्य केन्द्र मन म ओआरएस कॉर्नर के स्थापना करे जाही
- – मितानिन मन घरो-घर घूम के 0 ले 5 साल के लइका वाले घर मन म ओआरएस पैकेट बांटत हें
- – जिला के 1 लाख 63 हजार 142 लइका मन ल पियाए जाही ओआरएस घोल
राजनांदगांव, कलेक्टर श्री तारन प्रकाश सिन्हा ह 21 जून के कृषि उपज मंडी राजनांदगांव म लइका मन ल ओआरएस पियाके गहन डायरिया नियंत्रण पखवाड़ा कार्यक्रम के शुभारंभ करे रहिन। जिला म 21 जून ले 5 जुलाई तक गहन डायरिया नियंत्रण पखवाड़ा मनाए जात हे। जेखर अंतर्गत 0 ले 5 साल के 1 लाख 63 हजार 142 लइका मन के लक्ष्य हे। कार्यक्रम के अंतर्गत जिला के जम्मो स्वास्थ्य केन्द्र मन म ओआरएस कॉर्नर के स्थापना करे गए हे अऊ मितानिन मन घरो-घर घूम के 0 ले 5 साल के लइका वाले घर मन म ओआरएस पैकेट के वितरण, ओआरएस घोल बनाए के विधि प्रदर्शन अऊ हाथ धोए के विधि बताए जात हे संगेच शिशुवती माता मन ल लइका मन म दस्त के समय मां के दूध अऊ ऊपरी आहार देहे के सलाह घलोक देहे जात हे।
मुख्य चिकित्सा अऊ स्वास्थ्य अधिकारी डॉ. मिथिलेश चौधरी के बताती 0 ले 5 साल के लइका मन म डायरिया प्रबंधन म ओआरएस अऊ जिंक के महत्ता विशेष हे। डायरिया नियंत्रण पखवाड़ा अंतर्गत जम्मो खंड चिकित्सा अधिकारी मन ल ये निर्देश देहे गए हे कि सबो स्वास्थ्य केन्द्र मन के पानी टंकी के साफ-सफाई अनिवार्य रूप ले करे जाये अऊ ओआरएस-जिंक के उपयोगिता उपर दीवार लेखन अऊ नारा लेखन करे जाय। संगेच मितानिन मन डायरिया प्रकरण के पहिचान म एएनएम मन ले डायरिया केस प्रंबधन, उपचार अऊ काउसलिंग म विशेष गतिविधि करे जाए। काउसलिंग सत्र मन म ओआरएस-जिंक के महत्ता, दस्त होए म मां के दूध के आश्यकता, हाथ धोए के विधि अऊ शौच बर टॉयलेट के उपयोग के जानकारी घलोक देहे जात हे। पोषण पुर्नवास केन्द्र मन म भर्ती कुपोषित लइका जे ला डायरिया होए म ओखर प्रबंधन घलोक करे जाही।
