मुख्यमंत्री किसान मन ल गोहराईस फसल बीमा कराए बर
रइपुर, 13 जुलाई 2022
मुख्यमंत्री ह अपन मुख्यमंत्री निवास म होवइया बइठका म प्रदेश म के किसान मन ले गोहराइस कि उन जादा ले जादा संख्या म फसल बीमा करवावय। बइठका म बताए गीस कि खरीफ बछर 2021 म 13.77 लाख किसान द्वारा कोति ले फसल बीमा बर 157.65 करोड़ रूपिया के प्रीमियम दिए गे रिहिस, जेला मिलाके कुल 1199 करोड़ रूपिया के प्रीमियम के भुगतान करे गे रिहिस, जेमा के 4 लाख 8 हजार किसान मन ल 758.43 करोड़ के बीमा दावा भुगतान करे गीस। ओइसने रबी 2021-22 म 2.32 लाख किसान मन कोति ले 15.96 करोड़ रूपिया के प्रीमियम दिए रिहिस, येला मिलाके कुल 153 करोड़ रूपिया के भुगतान करे गीस, जेमा के एक लाख 58 हजार पात्र किसान मन ल 304.49 करोड़ रूपिया के प्रीमियम दावा भुगतान करे गीस।
बइठका म जानकारी दे गीस कि खरीफ 2022 म केन्द्र ले यूरिया, डीएपी, एनपीके, पोटाश अउ सुपर फास्फेट ल मिलाके कुल 13.70 लाख मीट्रिक टन रासायनिक उर्वरक के मांग करे गे रिहिस, जेमा ले छत्तीसगढ़ ल मात्र 6.30 मीट्रिक टन रासायनिक उर्वरक के आपूर्ति केन्द्र कोति ले करे गे हवय। मार्कफेड, सहकारी समिति अउ निजी क्षेत्र मन म कुल 11.03 लाख मीट्रिक टन रासायनिक उर्वरक के भंडारण करे गीस, जौन खरीफ 2022 बर निर्धारित लक्ष्य के 81 प्रतिशत हे। भण्डारण के तुलना म किसान मन ल समिति अउ निजी क्षेत्र ल मिलाके 67 प्रतिशत रासायनिक उर्वरक बाँटे जा चुके हे। खरीफ बछर 2022 म 11 जुलाई तक बछर 7.35 लाख मीट्रिक टन रासायनिक उर्वरक के बाँटे गे रिहिस, जबकि पीछु बछर 6.74 लाख मीट्रिक टन रासायनिक उर्वरक बाँटे गे रिहिस । कृषि उत्पादन आयुक्त डॉ. कमलप्रीत सिंह ह डीएपी उर्वरक के कमी ल दूरिहा करे बर किसान मन ल यूरिया, एनपीके, सुपर फास्फेट अउ पोटाश के संगे-संग वर्मी कम्पोस्ट निर्धारित मात्रा म उपयोग करे सलाह दीस हे।
