छत्तीसगढ़ राज्य के लोकसंस्कृति, लोकनृत्य, बस्तर आर्ट अउ ग्रामीण परिवेश के बिकट सुग्घर बउरे गए हे
लोक निर्माण विभाग ह करे हे सौंदर्यीकरण के काम
रायपुर, मुख्यमंत्री श्री भूपेश बघेल काली विधानसभा म अपन कार्यालय कक्ष के सौंदर्यीकरण काम के लोकार्पण करिन। मुख्यमंत्री के विधानसभा स्थित कार्यालय कक्ष ल पूरा छत्तीसगढ़ के ग्रामीण सभ्यता अउ बस्तर के संस्कृति के थीम उपर तियार करे गए हे। कार्यालय कक्ष के दुवारी ह गांव के कोनो घर के दुवारी जइसे लागथे। कार्यालय कक्ष के प्रवेश म बस्तर के परंपरागत आदिवासी नृत्यों ल उकेरे गए हे जेखर से बस्तर के संस्कृति के सजीव अहसास होथे। बस्तर आर्ट के संगेेच छत्तीसगढ़ के वनोपज उपर आधारित कलाकृति घलोक उकेरे गए हे।
ये बेरा म विधानसभा अध्यक्ष डॉ चरणदास महंत, नेता प्रतिपक्ष श्री धरमलाल कौशिक, संसदीय काम मंत्री श्री रविंद्र चौबे, गृहमंत्री श्री ताम्रध्वज साहू, वनमंत्री श्री मोहम्मद अकबर, नगरीय प्रशासन अउर विकास मंत्री डॉ. शिवकुमार डहरिया, लोक स्वास्थ्य यांत्रिकी मंत्री गुरु रुद्रकुमार, विधायक श्री मोहन मरकाम, मुख्य सचिव श्री अमिताभ जैन, अपर मुख्य सचिव श्री सुब्रत साहू, लोक निर्माण विभाग के सचिव श्री सिद्धार्थ कोमल सिंह परदेशी उपस्थित रहिन।
कक्ष के सौंदर्यीकरण काम म छत्तीसगढ़ राज्य के लोकसंस्कृति, लोकनृत्य, बस्तर आर्ट अउ ग्रामीण परिवेश ल लेहे गए हे । मुख्यमंत्री के कक्ष म छत्तीसगढ़ महतारी के फोटो लगाए गए हे जेन राज्य के प्रति प्रेम अउ श्रद्धा ल दर्शाथे। सभा कक्ष के भिथिया म राज्य गीत ‘अरपा पैरी के धार..’ घलोक उकेरा गए हे। कक्ष के भिथिया म गौर सींग, बस्तर के विश्व प्रसिद्ध बेल मेटल के आदिवासी लोकनृत्य करत कलाकृति मन ल लगाए गए हे जेमां हमार राज्य के समृद्ध लोकसंस्कृति दिखथे। छत्तीसगढ़ राज्य वन ले आच्छादित अउ जैव–विविधता ले परिपूर्ण हे । ते पाए के कक्ष के सौंदर्यीकरण म लगाए गए तस्वीर मन म वृक्ष, पशु-पक्षी ल प्रमुखता ले देखाए गए हे । कक्ष के भिथिया मन म गाय-बईला के जोड़ी के फोटू घलोक लगाए गए हे काबर के छत्तीसगढ़ राज्य म गाय आस्था के चिनहा तो हेच संगेेच इहां के किसान मन के खेती म बईलाामन के अलगेेच महत्व हे । गोवर्धन पूजा के दिन किसान गाय- बइला ल सजाके पूजा घलोक करथें। कक्ष के दरवाजाामन ल पारंपरिक ग्रामीण परिवेश के जइसे बनाए गए हे । विधानसभा स्थित मुख्यमंत्री कार्यालय कक्ष के सौंदर्यीकरण म मुख्यमंत्री कक्ष के अकतहा एक मीटिंग रूम, दू कॉमन पैसेज घलोक सुसज्जित करे गए हे ।
