रायपुर, हरेली के मौका म मुख्यमंत्री श्री भूपेश बघेल ह प्रदेश के किसान मन के आधुनिक नवाचार मन ले परिचय कराइन अऊ दुर्ग जिला के ग्राम करसा म आयोजित हरेली उत्सव म दू महत्वपूर्ण कृषि उपकरण मन के लांचिंग करिन। एमां ले एक एग्रीकल्चर ड्रोन हे जेखर माध्यम ले खेत मन म अड़बड़ कम समय म छिड़काव संभव हो सकही। एखर संग ही पशुचलित कल्टीवेटर अऊ प्लांटर के लांचिंग घलोक करिन। ए उपकरण मन ले बहुत कम समय म अऊ जादा दक्षता के संग जुताई अऊ बुआई के काम करे जा सकही। काबर कि ये बइला के पीछू लगे होही अऊ ट्रैक्टर के जइसे जुताई करही, ते पाए के मुख्यमंत्री ह ये मशीन बर ‘बुलट्रैक’ नाम सुझाए हें।
ड्रोन के माध्यम ले खेत मन म होही छिड़काव, बैटरीचलित कल्टिवेटर वाले नांगर ले कम समय म हो सकही जादा जोताई-बोआई
