एकलव्य आदर्श आवासीय विद्यालय म पारंपरिक जनजाति खेल प्रतियोगिता के करे गीस आयोजन

प्रतियोगिता म पहिली, दूसरी अउ तीसर स्थान प्राप्त करइया पुरस्कृत

बलरामपुर, विश्व आदिवासी दिवस 09 अगस्त के अवसर ल ध्यान म रखत विशेष रूप ले कमजोर जनजाति समूह मन बर पारंपरिक जनजाति खेल प्रतियोगिता के आयोजन करे के निर्देश म पाछू 30 जुलाई 2022 के एकलव्य आदर्श आवासीय विद्यालय भेलवाडीह बलरामपुर म जिला स्तरीय खेल-कूद प्रतियोगिता के आयोजन करे गीस। जिला स्तरीय खेलकूद प्रतियोगिता म विशेष रूप ले कमजोर जनजाति समूह जइसे पहाड़ी कोरवा, पण्डो बालक-बालिका ओ पारंपरिक खेलकूद प्रतियोगिता म हिस्सा लीन।

खेल प्रतियोगिता म सब जूनियर वर्ग बालक अउ बालिका आयु 06 साल ले 10 साल तक तीन टंगड़ी दौड़, सुई-धागा दौड़ अउ कबड्डी, जूनियर वर्ग बालक अउ बालिका आयु 10 साल ले 14 साल तक तीन टंगड़ी दौड़, बोरा दौड़ अउ कबड्डी, सीनियर वर्ग बालक अउ बालिका आयु 14 साल ले 18 साल तक तीरंदाजी, गुलेल, मटका दौड़, कबड्डी अउर बोरा दौड़ अऊ वयस्क वर्ग बालक अउ बालिका 18 साल अउ जादा तीरंदाजी, गुलेल, मटका दौड़, कबड्डी, बोरा दौरा के आयोजन करे गीस। प्रतियोगिता म 385 भाग लेवईया मन ह हिस्सा ले। प्रतियोगिता म पहिली, दूसरी अउर तीसरी स्थान प्राप्त करइया लइका मन ल पुरस्कार वितरण करे गीस। ये प्रतियोगिता म जिला शिक्षा अधिकारी, सहायक आयुक्त आदिवासी विकास, विकासखण्ड शिक्षा अधिकारी बलरामपुर, प्राचार्य एकलव्य आदर्श आवासीय विद्यालय अउर जनप्रतिनिधगण उपस्थित रहिन।