पारदर्शिता के संग नियमानुसार परीक्षा के संचालन के मानिटरिंग करिन
दुर्ग, संभागायुक्त श्री महादेव कांवरे आज बीआईटी पहुंचिन। इहां विभागीय परीक्षा मन के आयोजन करे जात हे। संभागायुक्त ह इहां परीक्षा के व्यवस्था के मानिटरिंग करिन। अधिकारी मन ह ओ मन ल बताइन कि इहां अभी 26 अधिकारी परीक्षा देवत हें। एमां रेवेन्यू ले 7 अधिकारी, कामर्शियल टैक्स ले 11 अधिकारी, एक्साइज ले 4 अऊ 4 रजिस्ट्री ले संबंधित अधिकारी परीक्षा म बइठे हें। संभागायुक्त ह परीक्षा के मानिटरिंग म लगे अधिकारी मन ले व्यवस्था के बारे म जानकारी लीन। अधिकारी मन ह कहिन कि कोनो प्रकार के व्यवस्था म दिक्कत नइ हे। समय म परीक्षा के नियम के मुाबिक आयोजन करे जात हे। संभागायुक्त ह कहिन कि पहिली बछर जइसे ये पईत घलोक नियमानुसार परीक्षा संचालित होवय, एखर विशेष रूप ले मानिटरिंग करत रहव।
