धान, चांवल, गेंहू अऊ लौकी के बीज ले बनावत हें राखी
बिहान के बहिनी मन ह तियार करत हें भोरबंधन राखी
दीदी मन के राखी सुमित अऊ सी-मार्ट अऊ कलेक्टोरेट परिसर म तको मिलही
कवर्धा, भाई-बहिनी मन के पवित्र रक्षाबंधन के तिहार इही महिना के 11 अगस्त के मनाए जाही। पवित्र रक्षा बंधन तिहार ल देखत बिहान के महिला स्वसहायता समूह मन के महिला मन ह भाइ मन के कलाइ मन म रक्षा बंधन सजाए के पूरा तैयारी कर लेहे हें। ये पइत महिला स्व सहायता समूह मन के महिला मन अपन राखी ल भोर बंधन नाम देहे हें। भोरबंधन नाम के ये राखी के किमत 20 रूपिया ले शुरू होके अलग-अलग वेराइटी म 35 ले 40 रूपिया तक के खुला बाजार मे उपलब्ध रइही। भोर बंधन नाम के राखी के बिक्री बर कबीरधाम जिला म सात अलग-अलग कांउटर घलोक बनाय गए हे। जेमां कलेक्टोरेट परिसर, सी-मार्ट, सुमित बाजार, अऊ जिला के सबो विकासखण्ड के जनपद पंचायत मुख्याल मन म भोरबंधन ब्रांड के राखी उपलब्ध रइही। ये सबो राखी बहुत आकर्षक तो हेच संगेच ये राखी ल बनाए बर धान के दाना, चांवल, गेहू, लौकी के बीज के उपयोग करे गए हे। एखर से ये, ये पवित्र रक्षा बंधन के महत्व अऊ बाढ़ गए हे।
