रायपुर, मुख्यमंत्री श्री भूपेश बघेल ल काली संझा रक्षाबंधन के पावन अवसर म ऊंखर निवास परिसर म श्री प्रयास एजुकेशन सोसायटी के बालिका मन ह राखी बांधीन। बालिका मन ह मुख्यमंत्री श्री बघेल के कलाई म रक्षासूत्र बांधके ऊंखर स्वस्थ सुदीर्ध अऊ खुशहाल जीवन के कामना करिन। मुख्यमंत्री ह बालिका मन ले उंखर हाल-चाल जानिन अऊ ऊंखर उज्जवल भविष्य बर शुभकामना दीन। श्री प्रयास एजुकेशन सोसायटी के संरक्षक श्री सुशील ओझा ह मुख्यमंत्री ल बताइस कि राजधानी रायपुर के संतोषी नगर म संचालित ये संस्था गरीब अऊ जरूरतमंद परिवार के लइका मन ल निःशुल्क शिक्षा प्रदान करथे। बालिका मन ह ओ मन ल स्मार्ट शिक्षा बर प्रोजेक्टर अऊ श्री प्रयास एजुकेशन सोसायटी ल जमीन आवंटन बर मुख्यमंत्री के आभार जताइन।
मुख्यमंत्री श्री बघेल ल श्री प्रयास एजुकेशन सोसायटी के बालिका मन ह बांधिन राखी
