रायपुर, मुख्यमंत्री श्री भूपेश बघेल ल काली संझा ऊंखर निवास कार्यालय म पूर्व राज्यसभा सांसद श्रीमती छाया वर्मा, छत्तीसगढ़ राज्य महिला आयोग के अध्यक्ष डॉ. किरणमयी नायक संग आन बहिनी मन ह राखी बांधिन। बहिनी मन ह मुख्यमंत्री के कलाई म रक्षासूत्र बांधके ऊंखर स्वस्थ, सुदीर्ध अऊ सुखमय जीवन के मंगल कामना करिन। मुख्यमंत्री श्री बघेल ह रक्षाबंधन के पर्व म बहिनी मन के स्नेह बर उंखर आभार जताइन अऊ ओ मन ल उपहार घलोक भेंट करिन। ये बेरा म उपाध्यक्ष, अन्त्यावसायी सहकारी वित्त अऊ विकास निगम सुश्री नीता लोधी, श्रीमती सीमा वर्मा, श्रीमती शारदा देवी वर्मा अऊ श्रीमती किरण सिन्हा ह घलोक राखी बांधके ऊंखर सुदीर्ध अऊ सुखमय जीवन के मंगल कामना करिन।
मुख्यमंत्री ल पूर्व सांसद अऊ राज्य महिला आयोग अध्यक्ष संग आन बहिनी मन ह बांधिन राखी
