राज्य योजना आयोग के उपाध्यक्ष श्री अजय सिंह ह शबरी एम्पोरियम अऊ सी-मार्ट के करिन अवलोकन

कोण्डागांव, छत्तीसगढ़ राज्य योजना आयोग के उपाध्यक्ष श्री अजय सिंह ह सपरिवार आज कोण्डागांव के शबरी एम्पोरियम अऊ सी-मार्ट के अवलोकन करिन। ये बेरा म उमन बेलमेटल, लौह शिल्प, टेराकोटा, काष्ठ शिल्प, बांस शिल्प आदि कलाकृति मन ल तन्मयता के संग देखिन अऊ ए जीवंत कलाकृति मन ल सहराईन। इहां म उमन टेराकोटा अऊ बांस शिल्प के कई ठन कलाकृति ल बिसाईन तको। ये मौका म राज्य योजना आयोग के उपाध्यक्ष श्री अजय सिंह ह सी-मार्ट पहुंचके कोण्डागांव के महिला समूह मन कोति ले निर्मित कोकोनट कुकीज, अचार, तिखुर शेक, पापड़ आदि उत्पाद मन के जायजा लीन अऊ अपन उपयोग बर कोकोनट आयल, पापड़, दाल खरीद के नकद भुगतान करिन।
ये बेरा म सीईओ जिला पंचायत श्री प्रेमप्रकाश शर्मा ह बताइस कि सी-मार्ट म महिला समूह मन कोति ले उड़ान कम्पनी के बने कई उत्पाद मन के संग बस्तर अऊ दंतेवाड़ा के महिला समूह मन कोति ले बनाए गए उत्पाद मन के विक्रय करे जात हे। एखर संगेच स्थानीय जैविक उत्पाद चावल, दाल, रागी आदि संग हर्बल उत्पाद विक्रय बर सी-मार्ट म उपलब्‍ध हे। ये मौका म एसडीएम श्री चित्रकांत ठाकुर अऊ आन अधिकारी मौजूद रहिन।