मुख्यमंत्री ले बिलाईगढ़ के क्षेत्रवासियों ह के सौजन्य मुलाकात
रायपुर, छत्तीसगढ़ के प्रसिद्ध धार्मिक स्थल गिरौदपुरी के बाबा गुरू घासीदास धाम गिरौदपुरी अऊ ऐतिहासिक स्थल सोनाखान के शहीद वीर नारायण सिंह धाम सोनाखान नामकरण करे म क्षेत्र के मनखे मन म अभूतपूर्व खुशी के माहौल हे। ये तारतम्य म राजधानी स्थित मुख्यमंत्री निवास कार्यालय म मुख्यमंत्री श्री भूपेश बघेल ले आज संझा बिलाईगढ़ क्षेत्रवासी मन ह सौजन्य मुलाकात करिन। ये बेरा म संसदीय सचिव श्री चन्द्रदेव राय के अगुवई म बड़ संख्या म सतनामी समाज अऊ दीवान समाज के मनखे मन ह मुख्यमंत्री श्री बघेल के अभिनंदन करत आभार जताइन। मुख्यमंत्री ह क्षेत्रवासी मन के मांग म संत बाबा गुरूघासी दास के जन्म स्थली-बाबा गुरूघासी दास धाम गिरौदपुरी के सौदर्यीकरण काम के घोषणा घलोक करिन।
मुख्यमंत्री श्री बघेल ह ये बेरा म कहिन कि छत्तीसगढ़ राज्य तेजी ले आगू बढ़े अऊ एखर एक समृद्ध राज्य के रूप म पूरा देश म अच्छा पहिचान बनय, इही हमर सरकार के मंशा हे। एखर मद्देजनर राज्य के हर तबका अऊ क्षेत्र के उत्थान बर समन्वित प्रयास करे जात हे। ये बेरा म संसदीय सचिव श्री यू.डी. मिंज, विधायक डॉ. रश्मि सिंह अऊ सर्वश्री रामकुमार मिरी, भूषण शास्त्री, विनय बरिहा, सहदेव सिदार, भोजराम अजगल्ले, रामकुमार जांगड़े, मुद्रिका राय, संतराम बरिहा, युधिष्ठिर नायक, पंकज चन्द्रा, प्रणेश दुबे, राजन अग्रवाल, द्वारिका देवांगन, हेमंत दुबे, रज्जू खान, संग दीवान परिवार अऊ सतनामी समाज के मनखे बड़ संख्या म उपस्थित रहिन।
