रायपुर, छत्तीसगढ़ के मुख्यमंत्री श्री भूपेश बघेल आज हिंदुस्तान टाइम्स के एजुकेशन समिट म वर्चुअल माध्यम ले सामिल होइन। ये बेरा म मुख्यमंत्री श्री बघेल ले छत्तीसगढ़ म शिक्षा ल लेके होवत नवाचार उपर बात होइस। परिचर्चा म मुख्यमंत्री श्री बघेल बताइन कि छत्तीसगढ़ म स्कूली लइका मन ल शिक्षा लोकल ले लेके ग्लोबल लैंग्वेज म प्रदान करे जात हे। उमन बताइन कि छत्तीसगढ़ राज्य म दुर्गम क्षेत्र मन तक पहुंचे बर शिक्षा के क्षेत्र म कई नवाचार करे गए हे।
मुख्यमंत्री श्री भूपेश बघेल ह एजुकेशन समिट के समय छत्तीसगढ़ म शिक्षा म नवाचार मन उपर बात करिन। उमन बताइन कि छत्तीसगढ़ म ये बेरा म स्कूली लइका मन ल 16 स्थानीय बोली अऊ चार परोसी राज्य मन के भाषा मन म लइका मन ल शिक्षा प्रदान करे जात हे। उहें वैश्विक ज़रूरत अऊ लइका मन के भविष्य म बेहतर अवसर उपलब्ध कराए बर सरकारी स्कूल मन म घलोक अंगरेजी भाखा म शिक्षा देहे के शुरुआत करे गए हे। एखर बर स्वामी आत्मानंद उत्कृष्ट शासकीय अंगरेजी मीडियम स्कूल खोले गए हे। अभी हाल म राज्य म करीबन 300 स्वामी आत्मानंद स्कूल संचालित होवत हे। आगामी शिक्षा सत्र म 422 स्वामी आत्मानंद स्कूल होही। मुख्यमंत्री बताइन कि हम छत्तीसगढ़ के हर राज्य म अंगरेजी माध्यम कॉलेज घलोक स्थापित करत हन ताकि राज्य के लइका मन ल विश्वस्तरीय शिक्षा प्राप्त करे म मदद मिल सकय। उमन बताइन कि हिन्दी माध्यम के स्कूल मन म घलोक गुणवत्ता सुधार बर प्रयास करे जात हे अऊ शासकीय उत्कृष्ट अंगरेजी माध्यम स्कूल मन के जइसे ही उत्कृष्ट हिंदी माध्यम स्कूल शुरू करे जात हे।
