बेमेतरा, जिहां चाह उहां राह ये हाना ल चरितार्थ करे हे जिला के एक सफल किसान जे ह वर्मी कम्पोस्ट खाद के उपयोग करके अपन फसल के उत्पादन ल बढ़ाए हे। हम बात करत हन विकासखण्ड नवागढ़ के ग्राम मदनपुर के किसान रमेश कुमार अनंत पिता विष्णु प्रसाद के। इंकर खेत म केंद्र प्रवर्तित प्रधानमंत्री आदर्श ग्राम योजना अंतर्गत कृषि विभाग के वरिष्ठ कृषि विकास अधिकारी के मार्गदर्शन मे गोधन न्याय योजना अन्तर्गत 5 क्विंटल वर्मी कंपोस्ट खाद वितरण निःशुल्क करे गीस जिहां खेत म किस्म महामायाधान लगे हे। जेखर 3 एकड़ मे बोवाई के समय वर्मी कम्पोस्ट के उपयोग करे गीस। करीबन 2 महिना बाद रमेश कुमार ले पूछे म वो ह बताईस के पउर साल के तुलना म खेत के माटी आन खेत के तुलना म नरम हो गए हे अउ जमीन के जल धारण क्षमता म वृद्धि हो गए हे। सूखा के स्थिति होए म घलोक खेत म नमी संचित हे अउ धान के फसल आन क्षेत्र के तुलना म जादा हरियर दिखात हे। खेत म कीट व्याधि के प्रकोप कम होय हे अउ वर्मी कम्पोस्ट उपयोग करे म अभी हाल के फसल म लाभ दिखत हे। किसान के कहना हे के ए साल के ये हाल ल देख के अवईया साल अपन जम्मो खेत म वर्मी कंपोस्ट खाद के उपयोग करे के सोचे हे। रमेश कुमार वर्मी कंपोस्ट उपयोग के लाभ ले संतुष्ट हे। प्रगतिशील किसान रमेश ले प्रेरणा लेके गांव के आन किसान घलोक अपन खेत म वर्मी कम्पोस्ट खाद के उपयोग करे बर प्रेरित होवत हें।
लउछरहा..
किसान देवनाथ नायक पारंपरिक खेती ल छोड़के करत हे आधुनिक खेती
May 13, 2024 Surabhi Tiwari Comments Off on किसान देवनाथ नायक पारंपरिक खेती ल छोड़के करत हे आधुनिक खेतीसारंगढ़ बिलाईगढ़, 13 मई 2024। जिला के बरमकेला विकासखंड के ग्राम पंचायत देवगांव के देवनाथ नायक...बेमेतरा जिला जेल म न्यायाधीश ह कैदी मन ले करिन चर्चा
बेमेतरा, 10 मई 2024। जिला न्यायाधीश बृजेन्द्र कुमार शास्त्री ह जिला जेल के निरीक्षण करिन अउ...कठिया सड़क हादसा के घायल मन ल एम्स म भरती करे गीस
बेमेतरा, 29 अप्रैल 2024। जिला के कठिया गाँव तीर एक बड़का सड़क हादसा होए हे जेमा...