रायपुर, मुख्यमंत्री श्री भूपेश बघेल ह आज खेल दिवस के अवसर म अपन निवास कार्यालय म हॉकी के जादूगर मेजर ध्यानचंद के फोटू म फूल चढ़ा के ओ मन ल श्रद्धांजलि अर्पित करिन। ये बेरा म मुख्यमंत्री श्री बघेल ह कहिन के मेजर ध्यानचंद ह अपन उत्कृष्ट खेल के बदौलत देश ल गौरवान्वित करे हें। ध्यानचंद म गोल करे के क्षमता कमाल के रहिस। ऊंखर दौर म भारत ह 1928, 1932 अऊ 1936 के ओलंपिक म गोल्ड मैडल जीते रहिस। उंखर से प्रेरणा पाके आज घलोक हॉकी के खिलाड़ी अपन बेहतर प्रदर्शन करके देश के नाम रोशन करत हें। आप मन जानतेच हवव के हॉकी के जादूगर मेजर ध्यानचंद के जन्मदिवस ल खेल दिवस के रूप म मनाए जाथे।
मुख्यमंत्री श्री भूपेश बघेल ह खेल दिवस के अवसर म हॉकी के जादूगर मेजर ध्यानचंद ल श्रद्धांजलि अर्पित करिन
