रायगढ़, गोधन न्याय योजना मनखे मन के जीवन ल कइसे बदलत हे एखर एक झलक रायगढ़ के खरसिया म दिखीस। गौठान मन के माध्यम ले गोबर खरीदके महिला स्वसहायता समूह वर्मी कंपोस्ट खाद बनात हे अऊ ओखर बिक्री करत हे। खरसिया के जोबी गांव के रहइया लक्ष्मणी राठिया घलोक ये योजना ले जुड़े हे अऊ उजाला महिला स्व सहायता समूह के माध्यम ले खुद ल गोधन न्याय योजना संग काम करत हे।
ये समूह ह करीबन 600 क्विंटल वर्मी कंपोस्ट के बिक्री करे हे अऊ 2 लाख 15 हजार रूपिया के लाभांश अर्जित करे हे। लक्ष्मणी राठिया ह ये रकम ले लइका मन बर कंप्यूटर बिसाए हे काबर के ओ मन ल बेहतर शिक्षा मिलय। लक्ष्मणी ह 10वीं कक्षा म पढ़इया यतिन्द्र अऊ 12वी म पढ़त भावना के राह म संसाधन मन के रोड़ा ल गोधन न्याय योजना ले दूर करे हे अऊ वो एखर बर छत्तीसगढ़ के मुख्यमंत्री भूपेश बघेल के धन्यवाद देहे हे। लक्ष्मणी के कहना हे कि भूपेश बघेल सरकार ह गरीब, मजदूर, किसान मन अउ महिला मन बर जेन योजनाएं शुरू के हे वो अब छत्तीसगढ़ म आर्थिक सशक्तिकरण के माध्यम बनत हे अऊ एखर से लाभांवित होवइया अइसनहेच एक एक हितग्राही ये।
