नोनी अऊ लईका मन के सुरक्षा अउ जागरूकता बर हमर बेटी हमर मान अभियान

रायपुर, मुख्यमंत्री छ.ग. शासन के मार्गदर्शन म लइका मन के सुरक्षा ल देखत कई मुद्दा मन म उमन ल जागरूक करे बर रायपुर पुलिस ह ”हमर बेटी हमर मान” अभियान चलावत हे। ये मुहिम के दूसर दिन रायपुर पुलिस के महिला पुलिस अधिकारी/कर्मचारी मन ह रायपुर जिला के स्कूल मन म जाके ”गुड टच, बेड टच”, सायबर अपराध, सोशल मीडिया के सुरक्षित उपयोग, आत्म रक्षा अउ उंकर उपर घटित होवइया अपराध मन के संबंध म बताए गीस। लइका मन बर निडर वातावरण बनाए अउ लइका मन ल अपराध ले बचे के उपाय बताना, कुछू होए म पुलिस ल आसानी ले सम्पर्क करे प्रेरित करना, सोशल मीडिया ल लेके जरूरी सावधानी मन के बारे म बताके लइका मन ल जागरूक करे गीस।
ये मुहिम के संचालन म आज रायपुर के स्कूल लक्ष्मीनारायण स्कूल, दूधाधारी स्कूल, कुसुम बाई तत्यापारा स्कूल, अंजूमन माध्यमिक शाला, शास्त्रीबाजार स्कूल, राष्ट्रीय विद्यालय, शासकीय उ.मा.शाला जोरा, लाभांडी शासकीय स्कूल, सरस्वती शिशु मंदिर, हॉलीक्रास कांपा स्कूल, एकता विद्यामंदिर, युवराम पब्लिक स्कूल, पं. शखाराम स्कूल, सोनकर स्कूल, कर्मा स्कूल, अटरी पब्लिक स्कूल, जरवाय शासकीय स्कूल, गुरूकुल विद्यामंदिर, ज्ञानप्रकाश स्कूल, रायपुरा कांवेन्ट स्कूल, प्राथमिक स्कूल मौली, गरणा सिंधी स्कूल, मठपारा स्कूल, हॉली एंजल स्कूल, संत ज्ञानेश्‍वर स्कूल, कुंवर बाई स्कूल, सत्यानंद स्कूल, रायपुरा स्कूल, शासकीय उ.मा. शाला माना, गणेषराम स्कूल, शासकीय उ.मा. शाला खरोरा, शासकीय उ.मा. शाला दतरेंगा, शासकीय उ.मा. शाला बजरंगदास स्कूल, कुल 62 स्कूल मन म जाके करीबन 10468 छात्रा मन ल ये संबंध म जानकारी देहे गीस अऊ पाम्पलेट, वितरण करके हेल्पलाइन नम्बर 94791-90167, 94791-91099 के प्रचार-प्रसार करके जागरूक करे जात हे।